Të enjten mot shumë i ngrohtë dhe shtim i vranësirave. Në fundjavë më freskët me vranësira dhe kthjellime
Në detin Mesdhe është duke u zhvilluar një ciklon, që ditën e premte mund të shndërrohet në një uragan të Mesdheut, që ndryshe njihen edhe si medikanë, bën të ditur Prishtina Weather.
Shërbimi i meteorologjisë njofton se ky sistem pritet të sjellë të reshura më të mëdha dhe erëra të fuqishme përgjatë brigjeve perëndimore të Greqisë, ndërsa në vendin tonë parashihet të ketë vetëm shtim të vranësirave, e gjasat për të reshura në parashikimet e ditëve të fundit janë zbehur. Riga lokale shiu mund të ketë pasditen e së enjtes rreth viseve malore dhe aty këtu pasditen e ditës së shtunë.
Sipas PW, nga dita e premte në lindje të rajonit pritet të kalojë një front i ftohtë nga Evropa Qendrore, që do të zbresë lehtë temperaturat, por që vazhdojnë të mbesin pak mbi vlera mesatare. Ditën e premte, po ashtu parashihet të fryjë erë më e theksuar nga verilindja.
Parashikimi për periudhën 17-21 shtator:
17.09 – Shumë ngrohtë, paradite pjesërisht vranët, e ditën vranësirat do të shtohen.
18.09 – Jo shumë ngrohtë, me erë, vranësira dhe intervale me diell.
19.09 – Më freskët, kryesisht me vranësira dhe intervale me diell. Pasdite vende-vende mundësi për riga shiu.
20.09 – Pas mëngjesit të freskët dhe pjesërisht të vranët, gjatë ditës kryesisht me diell.
21.09 – Në mëngjes më ftohtë, e gjatë ditës më ngrohtë dhe kryesisht me diell.
Temperaturat mbeten ndjeshëm të larta edhe ditën e enjte, nga dita e premte do të pësojnë një rënie të lehtë. Minimalet do të lëvizin nga 11C deri në 14C, e nga dita e diel zbresin edhe nën 10C. Maksimalet parashihet të zbresin nga 27C, të enjten, në 23C deri 25C në fundjavë.
Era do të fryj kryesisht nga verilindja, e lehtë dhe mesatare 4-9m/s, të premten me hove deri në 15m/s.
Shtypja atmosferike me tendencë të rritjes mbi vlera normale.
