×
  • Bota/Rajoni
  • Bota/Rajoni

    Si do të duket Haxhi sivjet dhe a ka ndodhur kjo më parë?

    FrontOnline
    24 Qershor 2020

    Arabia Saudite thotë se do të lejojë që rreth 1.000 pelegrinë që banojnë në mbretëri të kryejnë Haxhin këtë vit, një ditë pasi ajo njoftoi se pelegrinazhi vjetor do të “zvogëlohej” për shkak të coronavirusit.

    Rreth 2,5 milionë pelegrinë nga e gjithë bota grumbullohen çdo vit në qytetet e Mekës dhe Medinës për ritualin një javor të planifikuar të fillojë në fund të korrikut. Por këtë vit, asnjë vizitorë nga jashtë shtetit nuk do të lejohet.

    Siç kujton Al Jazeera, përcjell Telegrafi, Arabia Saudite njoftoi të hënën se do të mbajë një Haxh “shumë të kufizuar” këtë vit, pasi vendi ende po lufton me coronavirusin.

    Ministria Saudite e Haxhit tha se vendimi për të zvogëluar aq shumë numrin ishte me qëllim të ruajtjes së shëndetit publik global për shkak të rreziqeve që lidhen me tubime të mëdha.

    Dhe ngjarja e këtij viti pritet të fillojë më 28 korrik.

    Kush do ta kryejë Haxhin?

    Si një nga pesë shtyllat kryesore në Islam, Haxhi është një kërkesë për të gjithë myslimanët të aftë fizikisht dhe financiarisht që të kryejnë të paktën një herë në jetën e tyre.

    Këtë vit, ministria e Haxhit të mbretërisë tha se rituali do të jetë i hapur vetëm për individë të kombësive të ndryshme që banojnë në Arabinë Saudite.

    Në një konferencë virtuale për mediat të martën, ministri i Haxhit, Mohammad Benten, tha se qeveria është ende në proces të rishikimit të numrit të pelegrinëve të përgjithshëm të lejuar, duke thënë se ata mund të jenë “rreth 1.000, mbase më pak, ndoshta pak më shumë”.

    “Numri nuk do të jetë dhjetëra ose qindra mijëra”, shtoi ai.

    E ministri i Shëndetësisë, Tawfiq al-Rabiah, tha që pelegrinët do të testoheshin për coronavirus para mbërritjes në qytetin e shenjtë të Mekës dhe do të kërkohet të karantinohen në shtëpi pas ritualit.

    Ai tha se askush mbi moshën 65 vjeç ose me sëmundje kronike nuk do të lejohej të kryejë haxhin.

    A ka ndodhur kjo më parë?

    Sipas Al Jazeera, përcjell Telegrafi, kjo është hera e parë në historinë gati 90-vjeçare të Arabisë Saudite që vizitorëve të huaj u është ndaluar kryerja e Haxhit.

    Haxhi është anuluar për shkak të luftërave dhe epidemive të kaluara përgjatë historisë, por jo që nga themelimi i Mbretërisë së Arabisë Saudite në vitin 1932.

    Cili ka qenë reagimi?

    Përgjigja ka qenë një përzierje zhgënjimi, lehtësimi dhe pranimi.

    Para njoftimit saudit, Indonezia, Malajzia, Senegali dhe Singapori veçse kishin ndaluar qytetarët e tyre të kryejnë Haxhin këtë vit për shkak të shqetësimeve të coronavirusit.

    “Shpresat e mia për të shkuar në (qytetin e shenjtë saudit të Mekës) ishin aq të larta”, tha Kamariah Yahya, 68 vjeç, nga Indonezia, për agjencinë e lajmeve AFP.

    “Unë jam duke përgatitur me vite. Por çfarë mund të bëj? Ky është vullneti i Allahut – është fati”.

    Ndërkohë Shahadat Hossain Taslim, kreu i një grupi që përfaqëson agjencitë e udhëtimit në Haxh nga Bangladeshi, tha se “shumë njerëz do të shkatërrohen” me vendimin, por ishte për të mirë.

    “Për dallim nga vendet e tjera, shumica e pelegrinëve të Bangladeshit janë njerëz të moshuar, dhe ata janë të prekshëm ndaj COVID-19”, tha ai.

    Pakistani, i cili zakonisht dërgon afro 180,000 pelegrinë, tha se diplomatët e tij në Arabinë Saudite do të përfaqësonin vendin gjatë pelegrinazhit këtë vit.

    Ndërkohë në Indinë fqinje, ministri për çështjet e pakicave tha që më shumë se 200,000 njerëz kishin bërë kërkesë për të shkuar në Haxh në vitin 2020, dhe se ata do të merrnin një rimbursim të plotë të parave të depozituara për Haxhin.

    E Mohamad Azmi Abdul Hamid, nga Këshilli Konsultativ i Organizatës Islamike Malajzia, tha që kombet myslimane duhej të ishin lejuar të merrnin një “vendim kolektiv”, e jo ai t’i lihej Riadit.

    NimiTV, dhurata ideale e fundvitit
    Nga Rubrika
    Bota/Rajoni29 Mars 2024
    Qeveria e Kroacisë ka nisur procedurat për njohjen e ndërsjellë të patentë shoferëve mes Zagrebit dhe Prishtinës. Kjo u bë e ditur...
    Bota/Rajoni29 Mars 2024
    Erërat me shpejtësi deri në 112 km/h kanë goditur bregdetin jugor të Mbretërisë së Bashku së bashku me breshërin dhe bubullimat. Sipas...
    Bota/Rajoni29 Mars 2024
    Një autobus me rreth 60 pasagjerë u aksidentua në shtetin perëndimor të Gjermanisë Veriore-Vestfalia, duke lënë të lënduar 21 persona, njëri prej...
    Të tjera
    Lajme29 Mars 2024
    Kryetari i Aleancës për Ardhmërinë e Kosovës, Ramush Haradinaj ka përkujtuar masakrën e Belegut e Irzniqit të Deçanit si dhe të Poterqit...
    Lajme29 Mars 2024
    Kryetari i Kuvendit të Kosovës, Glauk Konjufca, ka shprehur qëndrimin e tij pro themelimit të cdo komisioni hetimor dhe se për këtë...
    Lajme29 Mars 2024
    Kryetari i Kuvendit, Glauk Konjufca, ka thënë se qeveria nuk ka arsye të japë dorëheqje. Këtë deklaratë ai e bëri para mediave...
    Lajme29 Mars 2024
    Tri seanca plenare do të mbahen në javën e ardhshme në Kuvendin e Kosovës. Kështu ka bërë të ditur shefja e grupit...
    Lajme29 Mars 2024
    Ambasadori i Kosovës në Kroaci, Martin Berishaj, po intervistohet nga Prokuroria e Speciale në Prishtinë. Sipas RTK-së, Berishaj gjendet në Prokurorinë Speciale...
    Lajme29 Mars 2024
    Instituti Kombëtar i Shëndetësisë Publike të Kosovës gjatë mbikëqyrjes permanente të situatës epidemiologjike në vend ka konstatuar një rritje të lehtë të...

    FrontOnline, © 2024 Të gjitha të drejtat e rezervuara.