×
  • Lajme
  • Front TV
  • Front TV

    Shteti s’ofron teste serologjike falas për qytetarët, mjekët testohen nga donacionet

    FrontOnline
    09 Shtator 2020

    Testet serelogjike, të cilat tregojnë se nëse një person ka qenë apo është i infektuar me virusin Covid-19, po vazhdojnë të mos kryhen në institucionet publike shëndetësore në vend.

    Ndonëse janë të përgatitur për të kryer këto testime, drejtori i Klinikës  Biokimisë, në Qendrën Klinike Universitare të Kosovës, Shemsi Veseli, në një intervistë për Front Online, ka treguar se nuk janë furnizuar me teste të tilla.

    Ai është shprehur se testimit serelogjik i janë nënshtruar vetëm një pjesë e punëtorëve shëndetësorë.

    Ndërsa, përkundër nevojës që edhe qytetarët t’i nënshtrohen këtij testimi, klinika nuk është furnizuar me teste.

    “Klinika e Biokimisë është një nga klinikat që është e rrezikuar nga infektime të ndryshme, pasi te ne vinë pacientët e pa përpunuar. Kur kanë ardh rastet ambulantore ne nuk e kemi ditur nëse e kanë Covidin. Ne në Klinikë i kemi kryer diku 1 mijë e 200 testime të punëtorëve shëndetësorë. Por teste për qytetarët nuk ka”, ka thënë ai për Front Online.

    Veseli ka deklaruar se gjatë testimeve sterelogjike të punëtorëve shëndetësorë, kanë vërejtur që një numër i madh i tyre kanë qenë të infektuar me virus, por që nuk e kanë ditur.

    Drejtori i Biokimisë dyshon se ka më shumë të infektuar me COVID se që po raportohet

    Sipas tij, edhe numri i qytetarëve të infektuar është më i madh se që raportohet.

    “Kohën e fundit me setin e testeve që ju kanë dedikuar Klinikës se Neurologjisë, ne i kemi vërejtur se ka qenë një pjesë e kolegëve të prekur, që disa e kanë ditur, por ka edhe që nuk e kanë ditur dhe na kanë dalur që e kanë kaluar Covidin”, ka thënë ai.

    Testet serologjike janë vlerësuar si tejet të rëndësishme nga ai.

    Veseli ka treguar se përmes këtyre testeve do të kuptohet se sa imunitet është krijuar në organizmin e qytetarëve, e cilët persona do të duhet të vaksinohen me zbulimin e vaksinës.

    “Është mirë që qeveria të ndaj mjete për sektorin publik, që të krijoj një buxhet ku do të blihen këto teste dhe do të jenë në shërbim të qytetarëve të Kosovës. Testet e kanë edhe rëndësinë që na kishin ndihmuar për të dhënë përgjigjen definitive se Covid po i krijon imunitet organizmit”, ka thënë ai për Front Online.

    Mbi 20 punëtorë shëndetësorë në Biokimi të infektuar me Covid-19

    Drejtori i Biokimisë ka treguar se deri tani 6 mjekë dhe 16 laborantë në klinikën që ai e udhëheq kanë rezultuar pozitiv me virusin Corona.

    Ai ka treguar se si klinikë kanë mundur të jenë edhe më të përgatitur për pandeminë, por që një gjë e tillë varet nga buxheti dhe furnizimi që ju bëhet.

    “Si Klinikë mund të ishim më të përgatitur, nuk mund të them që jemi të përkryer por kjo nuk varet nga stafi, por edhe nga buxheti dhe furnizimi që bëhet. Unë kam qenë idhëtarë i asaj që diagnostika duhet me qenë fjala e fundit e teknologjisë”, ka thënë ai për Front Online.

    Veseli ka treguar që numri i personave që kërkojnë trajtim shëndetësorë në këtë klinikë është i madh, andaj edhe kanë qenë të stërngarkuar gjatë kohës së pandemisë.

    Dyshime se Covid-19 është paraqitur para 13 marsit në Kosovë

    Veseli ka përmendur edhe kohën e infektimit të qytetarëve me Coronavirus, me ç’rast është shprehur i dyshimtë se infektimet me këtë virus kanë mundur të ndodhin para muajit mars në Kosovë.

    “Unë nuk kam bërë ndonjë analizë të thuktë se nuk kam pasur mundësi, por dyshoj që ndoshta në Kosovë virusi ka qenë edhe para 13 marsit. Këtë nuk e kemi të faktuar. Por mendoj sepse kur kemi biseduar me pacientë se kur i kanë pasur këto shqetësime ata na ka lënë të kuptohet që ka mundur të jetë edhe në shkurt”, ka shtuar ai për Front Online.

     

    Udhëto shpejt dhe sigurt nga Prishtina drejt Köln me PrishtinaTicket
    Nga Rubrika
    Lajme25 Maj 2025
    Gjetja e një foshnje të porsalindur pa shenja jete në një deponi mbeturinash në fshatin Butovc, sa tmerroi opinionin publik po aq...
    Lajme25 Maj 2025
    Kryeministri në detyrë, Albin Kurti, ka theksuar përparimet në ruajtjen dhe restaurimin e trashëgimisë kulturore të Kosovës. Në Facebook, Kurti ka publikuar...
    Lajme25 Maj 2025
    Partia Demokratike e Kosovës ka njoftuar se nesër do të mbaj konferencë për media. Nga kjo parti nuk kanë treguar arsyejen e...
    Të tjera
    Vip25 Maj 2025
    Artistja e njohur shqiptare, Filloreta Raçi – Fifi, ka reaguar në rrjete sociale ndaj komenteve negative që ka marrë, kryesisht nga llogari...
    Bota/Rajoni25 Maj 2025
    Qeveria gjermane planifikon të zbatojë një marrëveshje koalicioni javën e ardhshme për të forcuar më tej ligjet e imigracionit, të cilat përfshijnë...
    Sport25 Maj 2025
    Fenerbahce Beko ka siguruar titullin e dytë të Euroligës në histori të dielën me një fitore bindëse 81-70 ndaj Monacos në Etihad...
    Lajme25 Maj 2025
    Gjyqtarët dhe prokurorët serbë që dhanë dorëheqje në veri të vendit në nëntor të vitit 2022, kanë qenë temë diskutimi në takimin...
    Bota/Rajoni25 Maj 2025
    Mediat gjermane kanë zbuluar detaje të reja rreth aksidentit tragjik rrugor që ndodhi mëngjesin e ditës së sotme pranë qytetit Koblenz, në...
    Lajme25 Maj 2025
    Kosova për herë të parë do të presë komandën e një divizioni të ushtrisë amerikane, në kuadër të ushtrimit më të madh...
    -->

    FrontOnline, © 2025 Të gjitha të drejtat e rezervuara.