×
  • Bota/Rajoni
  • Bota/Rajoni

    Shqipëria, “kampion bote” në prodhimin e marihuanës, mafia paratë i investon në asete strategjike

    FrontOnline
    17 Korrik 2020

    Për herë të parë Antimafia Italiane sinjalizon se paratë e fituara nga aktiviteti i paligjshëm i grupeve kriminale shqiptare në Itali investohen në Shqipëri në asete strategjike si në sektorin e turizmit dhe të ndërtimit.

    E reja më e fundit që nënvizon Antimafia Italiane është në ndryshimin e rolit që Shqipëria ka marrë në skenarin kriminal kombëtar e ndërkombëtar të trafikut të drogës duke u bërë vendit tranzit kryesor i trafikut të heroinës nga Afganistani e Azia Qëndrore e grupet kriminale shqiptare në rolin e brokers importojnë sasi të mëdha kokainë nga Kolumbia për tregun europian.

    Shqipëria është prodhues i parë i marijuanës në Europë e ndër vendet e para në nivel botëror e grupet kriminale shqiptare vazhdojnë të jenë ndër më kryesoret e më komplekset në Itali. Trafiku i drogës nga Shqipëria nuk është ndaluar dhe gjatë emergjencës së pandemisë Covid 19.

    Këto janë konkluzionet e dala nga raporti i fundit i Antimafias Italiane i cili nënvizon se ka ardhur koha që grupet kriminale shqiptare të konsiderohen mafia.

    Gjithashtu Antimafia Italiane konfirmon përdorimin e teknologjisë së avancuar në përdorimin e skafeve me drogë të nisura nga Shqipëria e të telekomanduara automatikisht nga larg e pa pilot.

    Departamenti i Antimafias Italiane ka hartuar raportin e dytë gjashtëmujor të vitit 2019 që përmbledh aktivitetin kriminal të mafias italiane e të grupeve mafioze të huaja në Itali në periudhën kohore korrik- dhjetor 2019.

    RTV Ora ka mundur të sigurojë raportin prej 888 faqesh në të cilin kriminaliteti shqiptar e Shqipëria janë analizuar në dy kapituj të veçantë.

    Antimafia italiane imformon se grupet kriminale shqiptare janë të pranishëm në pjesën më të madhe të territorit kombëtar e janë ndër organizimet etnike më komplekse e të artikuluara të aftë të veprojnë në nivele të ndyshme.

    Nga njëra anë shfaqen në aksione individuale apo në bashkëpunim për llogari të të tjerëve e kryesisht në krime specifike, e nga ana tjetër është konstatuar ekzistenca e organizimeve kriminale shqiptare të strukturuara prej shumë kohësh në territorin italian me karakteristika tipike mafioze.

    Në lidhje me identifikimin e grupeve kriminale shiqptar si mafia shqiptare, raporti i A\ntimafias italiane nënvizon se deri më tani nuk ka një vendim gjykate që në marrjen e vendimit kanë kosideruar dhe rëndesën e fajit si grupe mafioze e ndoshta sygjeron raporti “në të ardhmen do të ishte e nevojshme në planin interpretues marrja në konsideratë e termit “mafie jo tradicionale” siç janë mafia Cosa Nostra, Sacra Corona Unita, Ndrangheta, Camora etj) siç u bë me vendimin numër 10/220 i marrë më 16 mars 2020 “.

    Sipas Raportit të Antimafias italiane karakteristikë kryesore e kriminalitetin shqiptar është përkatësia e grupeve në bazë lidhjesh familjare ose raporteve të anëtarëve që vijnë nga i njëjti qytet apo zonë shqiptare e që kanë të njëjtin kod sjellje.

    Veprimi i aktivitetit kriminal shqiptar shprehet kryesisht në trafikun e lëndëve narkotike, në trafikun e armëve, në trafikun e qënieve njerëzore si dhe në shfrytëzimin e prostitucionit që shpesh e kryejnë në bashkëpunim ne grupe të tjera kiminale etnike në Itali si ato rumune e nigeriane.

    Paratë e fituara nga aktivitetit i paligjshëm, organizatat kriminale shqiptare i investojnë në atdhe, pra në Shqipëri, në asetet strategjike si në sektorin e ndërtimit e të turizmit. Gjithashtu i përdorin për blerjen e heroinës nga Azia e kokainës nga Kolumbia.

    Grupet kriminale më të strukturuara shqiptare kanë lidhje në nivel transacional me grupet homologe shqiptare në Vendet e Ulëta, në Belgjikë, në Austri, në Francë, në Spanjë, në Gjermani, në Britaninë e Madhe, e në Ameriknë Qëndrore e Jugore.

    Janë organizime kriminale që dialogojnë drejtpërdrejtë me referuesit e tyre në Shqipëri për aktivitetet kriminale më komplekse.

    Grupet kriminale shqiptare importojnë drogën kryesisht marijuanë e heroinë nga Shqipëria (vend tranzit) e kokainë nga Vendet e ulëta e në rastet e tjera transportojnë drejpërdrejtë nga vendet ku prodhohet droga.

    Disponibiliteti i armëve, i burimeve financiare edhe i drogës me çmime konkurruese, kanë stabilizuar marrëdhënie të konsoliduara mes grupeve kriminale shqiptare e mafias autoktone italiane favorizuar nga objektivat e përbashkëta të aferave kriminale e mungesa e konfliktualitetit për zotërimin e territorit.

    Prania prej një kohe të gjatë në territorin italian ka bërë që grupet kriminale shqiptare të integrohen e të asimilojnë një model sjellje e aftë të veprojë në kontesktet multietnike e në bashkëpunimin me grupet italiane jo mafioze apo të etnive të tjera.

    Raporti i Antimafias Italiane ka kujtuar një sërë operacionesh të suksesshme të kryera gjatë gjashtëmujorit të dytë të 2019 e ku janë zbardhur lidhjet e grupeve kriminale shqiptare me mafian italiane e me grupet kriminale italiane e të huaja me shtrirje në Itali.

    Brigjet e Puglias mbetet pika nevralgjike për futjen e drogës përmes rrugës ballkanike nga Shqipëria drejt Italisë.

    Një kapitull të veçantë në raportin e Antimafias zë dhe Shqipëria.

    “Në panoramën kriminale ndërkombëtare, Shqipëria konsiderohet lideri i prodhimit të marijuanës duke u pozicionuar prodhuesi i parë në nivel europian e ndër të parët në nivel botëror.”

    Klanet shqiptare shprehin një aftësi operative gjithnjë e në rritje falë xhiros së biznesit të lëndëve narkotike si dhe shtimit të kultivimit të marijuanë duke përmirësuar cilësinë e plantacioneve duke përdorur rrënjë kanabis që prodhojnë bimë me përqëndrim të lartë të THC.

    Sasitë e mëdha të marijuanës të prodhuar në zonat e brendshme të territorit shqiptar importohen në mënyrë konstante në kanalet e tregtimit të saj në Europë në rrugë detare përmes kanalit të Otrantos e rrugës tokësore përmes rrugës ballkanike.

    Skafet me drogë nisen nga Durrësi e Vlora e mbërrijnë kryesisht në brigjet puglieze.

    Gjithashtu Antimafia Italiane konfirmon përdorimin e teknologjisë së avancuar në përdorimin e skafeve me drogë të nisura nga Shqipëria e të telekomanduara automatikisht nga larg e pa pilot.

    Trafiku i drogës nga Shqipëria nuk është ndaluar dhe gjatë emergjencës së pandemisë Covid 19.

    Raporti i Antimafias italiane shkruan se dhe pse përmban të dhëna të periudhës kohore korrik-dhjetor 2010 gjatë hartimit e përgatitjes së këtij materiali i kanë kushtuar një vëmendje të veçantë dhe aktivitetit të mafias autoktone e të huaj gjatë fazës së pandemisë globale.

    Shoku social e ekonomik i shkaktuar nga emergjenca shëndetësore ka favorizuar dy skenarë të aktivitet kriminal mafiozë në Itali.

    Ai afat i shkurtër në kosolidimin e shtrirjes së tyre në territor përmes konsensusit social me ndihmë të vogla ekonomike që u jepen familjeve më në nevojë e ai afat gjatë në forcimin e fuqisë së tyre ekonomike e financiare deri në nivel botëror.

    E reja më e fundit që nënvizon Antimafia Italiane është në ndryshimin e rolit që Shqipëria ka marrë në skenarin kriminal kombëtar e ndërkombëtar të trafikut të drogës duke u bërë vendi tranzit kryesor i trafikut të heroinës nga Afganistani e Azia Qëndrore e grupet kriminale shqiptare ne rolin e brokers importojnë sasi të mëdha kokainë nga Kolumbia për tregun europian.

    The Victor vjen me këngë të re “Got U”
    Nga Rubrika
    Bota/Rajoni15 Qershor 2024
    Liderët e Grupit të Shtatë (G7) vendeve më të industrializuara nuk e diskutuan fare propozimin e presidentit rus, Vladimir Putin, për paqe...
    Bota/Rajoni15 Qershor 2024
    Një avion luftarak rus e shkeli shkurtimisht hapësirën ajrore të Suedisë në lindje të ishullit baltik, Gotland, të premten dhe u konfrontua...
    Bota/Rajoni15 Qershor 2024
    MPB njofton se në territorin e Shkup gjatë ditës dhe natës së kaluar janë sanksionuar 132 drejtues mjetesh, nga të cilët 12...
    Të tjera
    Sport15 Qershor 2024
    Shqipëria ishte e para që kaloi në epërsi ndaj Italisë, me golin e shënuar nga Nedim Bajrami që në minutën e parë....
    Lajme15 Qershor 2024
    Petrit Selimi, analist dhe ish-zëvendësministër i Punëve të Jashtme i Kosovës, ka komentuar intervistën relativisht të gjatë të Milorad Dodikut, president i...
    Sport15 Qershor 2024
    Kombëtarja e Italisë ka përmbysur gjithçka ndaj Shqipërisë. Pasi barazuan me Bastonin në minutën e 11-të, Azzurri ka shënuar edhe golin për...
    Lajme15 Qershor 2024
    Shqipëria ka kaluar në avantazh ndaj Italisë në ndeshjen hapëse të tyre në Kampionatin Evropian 2024, e vlefshme për grupin B. Në...
    Lajme15 Qershor 2024
    Shtetet e Bashkuara dhe NATO-ja kanë qëndrime të ndryshme lidhur me përdorimin e armëve perëndimore nga Ukraina për të goditur objektiva ushtarake...
    Lajme15 Qershor 2024
    Drejtuesit e vendeve të G7 përfunduan takimin e nivelit të lartë me paralajmërimin më të fortë të bërë deri më tani Kinës,...

    FrontOnline, © 2024 Të gjitha të drejtat e rezervuara.