×
  • Lajme
  • Lajme

    Shala tregon si do të zhvillohet procesi mësimor në shkollat e Prishtinës

    FrontOnline
    13 Gusht 2020

    Komuna e Prishtinës, respektivisht drejtoria e Arsimit është mobilizuar që më 1 shtator të fillojnë mësimin me tre skenarët e nxjerra nga Ministria e Arsimit, Shkencës dhe Teknologjisë.

    Drejtoresha e Arsimit në Komunën e Prishtinës, Shpresa Shala, ka treguar se në takimin online që kanë mbajtur me kryeministrin e vendit, Avdullah Hotin, kryetarët e komunave dhe ministrinë e Arsimit janë dakorduar që mësimi të filloj në shtator. Megjithëse ajo ka theksuar se skenari i parë për kthimin e nxënësve në bankat shkollore do të jetë vështirë i impelemntueshëm në shkollat me shumë nxënës, por që si të rëndësishme e shohin kthimin e nxënësve që vijojnë klasën e parë dhe të dytë.

    “Ne kemi pas një takim online me kryeministrin e Kosovës, kryetarët e komunave dhe me ministrinë e Arsimit e organizuar nga asociacioni i komunave të Kosovës. Ne këtë takim jemi dakorduar që mësimi të filloj me 1 shtator. MASHT tashmë veçse e ka bërë një udhëzues që në kuadër të këtij udhëzues janë tri skenarë të mësimit. Është mësimi në shkollë, mësimi i kombinuar që i bie në shkollë dhe online dhe mësimi online në tërësi. Skenari i parë do të thotë që gjithë nxënësit duhet të kthehen në bankat shkollore e që në komunën e Prishtinës dhe në qytetet ku ka numër të madh të nxënësve, është i pa implementueshëm. Mund të implementohet vetëm nëpër fshatra ku ka numër të vogël të nxënësve. Skenari i dytë do të thotë që nxënësit duhet të kthehen në shkollë, por që në kushtet e qytetit të Prishtinës, duhet të ndahet në dy pjesë klasa dhe një ditë të zhvillohet mësimi online, kurse në ditën tjetër fizikisht në shkollë. Skenari i tretë do të thotë se në rast se ka infektime të mëdha qoftë të nxënësve apo të mësimdhënësve atëherë komplet shkolla shkon në mësim online, apo nëse ka raste të shumta në shkolla atëherë, komplet shkolla shkon online”, shpjeguar ajo për Klan Kosova.

    Shkak situatës së krijuar nga COVID-19, nuk do të ketë vendime të njëjta për të gjitha shkollat, por gjithçka do të varet nga specifikat me të cilat përballen shkollat.

    Shala ka treguar edhe skenarin për mbajtjen e mësimit për nxënësit e klasave të para dhe të dyta.

    “Ndoshta do të ketë përparësi për klasat e para dhe të dyta. Kemi pas takime me drejtorët e shkollave dhe mësimdhënësit dhe kërkesa është që mësimi të zhvillohet çdo ditë me nga 2 orë me 45 minuta, mes dy orëve të jetë një pushim prej 30 minutash që të pastrohet ambienti dhe më pas të vjen edhe grupi i dytë i klasë që i bie që fëmijët e klasës së parë dhe të dytë të vijnë çdo ditë në shkollë. Ne do të përpiqemi që të krijojmë kushte për gjithë fëmijët prej klasës së parë deri në të pesetën, sepse kontakti me mësuesen dhe zhvillimi i orëve mësimore e ka efektin shumë më të madh, sidomos për këto mosha ndërsa për klasat tjera do të shkojmë me skenarin e dytë”, ka thënë Shala.

    Edhe pse do të jetë sfiduese meqë edhe shkollat në Prishtinë kanë numër të madh të nxënësve, megjithatë, Shala thotë se do të përpiqen të bëjmë maksimumin për mbrojtjen e shëndetit të nxënësve.

    “Është shumë sfiduese sepse e dimë që shkollat e Prishtinës janë të ngarkuara, por do të përpiqemi të bëjmë maksimumin që të mobilizohemi për mbrojtjen e shëndetit të nxënësve duke iu përmbajte rekomandimeve të IKSHPK dhe udhëzuesit të MAShT”, theksoi ajo.

    KESCO u certifikua me tri ISO Standarde
    Nga Rubrika
    Lajme27 Shkurt 2024
    Një aksident i rëndë ka ndodhur mes dy veturave gjatë ditës së sotme në fshatin Frashër të Mitrovicës. Nga aksidenti janë lënduar...
    Lajme27 Shkurt 2024
    Pas takimeve të ndara, në Bruksel po zhvillohet takimi i përbashkët mes ekspertëve financiarë të Kosovës dhe Serbisë, nën ndërmjetësimin e emisarit...
    Lajme27 Shkurt 2024
    Në rrugën “Rexhep Bislimi” në Ferizaj, Policia ka gjobitur shoferin për tejkalim në vijë të plotë. Policia ka arritur që ta identifikojë...
    Të tjera
    Lajme27 Shkurt 2024
    Në Dhomat e Specializuara të Kosovës (DhSK) në Hagë, është hedhur për të dytën herë apelimi i Isni Kilajt kundër mbajtjes së...
    Lajme27 Shkurt 2024
    Ambasadorja gjermane në Serbi, Anke Konrad, në një intervistë për mediat serbe deklaroi se është shumë e rëndësishme që të gjitha marrëveshjet...
    Sport27 Shkurt 2024
    Interi i këtij edicioni është një skuadër e frikshme, që nuk mund ta ndalojë askush. Skuadra e udhëhequr nga Simone Inzaghi është...
    Lajme27 Shkurt 2024
    Kuvendi i Komunës së Prishtinës sot mban mbledhje të jashtëzakonshme për shkarkimin e kryesuesit të Kuvendit, Pëllumb Bajçinovci. Karrigen e kësaj pozite, Front...
    Vip27 Shkurt 2024
    Aktori i “Sex and the City”, Eddie Driscoll, ka vdekur në moshën 60-vjeçare pas një beteje me kancerin. Eddie Driscoll luajti në...
    Sport27 Shkurt 2024
    Roma ka marrë fitoren e pestë në gjashtë ndeshjet e fundit në Serie A që po udhëheqet nga Daniele De Rossi. Legjenda...

    FrontOnline, © 2024 Të gjitha të drejtat e rezervuara.