Lëvizja Vetëvendosje i fitoi zgjedhjet e 14 shkurtit me një rekord të ri në historinë kosovare. Ajo mori pothuajse gjysmën e votave në të gjithë territorin e Kosovës dhe i fitoi në shumicën absolute të komunave me popullsi kosovare.
Të vetmet komuna (me shumicë kosovare) ku Vetëvendosje nuk i fitoi janë Drenasi dhe Skenderaj. Bastioni i PDK’së — Drenica, i ruajti votat e veta edhe pse edhe këtu VV’ja arriti të marrë diçka.
Në Drenas, VV’ja mori pothuajse një të katërtën e votave, apo 24,45% të tyre. Ndërsa e para doli PDK’ja me 63,68%.
Në Skënderaj, VV’ja mori 18,86% të votave, më pak se në Drenas. Edhe këtu PDK’ja doli e para duke marrë 72.29% të votave.