×
  • Lajme
  • Lajme

    Rrëfimi i 50-vjeçares së cilës iu deshën pesë javë për ta mposhtur coronavirusin

    FrontOnline
    20 Qershor 2020

    Mexhide K. (50) nga Prishtina e kaloi sëmundjen Covid-19, që e shkakton koronavirusi, pothuajse pa simptome.

    Ajo u infektua me koronavirus më 9 maj dhe ka qenë me të pesë javë, deri kur doli negative në testin e fundit. Shumicën e asaj kohe, ajo e ka kaluar në shtëpi dhe kryesisht ka qenë në gjendje të mirë.

    “(Në fillim) Nuk kam pasur asnjë simptomë. Megjithëse u shtriva në Klinikën Infektive, por që nuk merrja terapi, pos paracetamollit dhe vitaminën C, që e pija në mbrëmje. Mjekët ma monitoronin gjendjen. Por, meqë isha mirë, më lëshuan në shtëpi pas një jave, duke më dërguar me autoambulancë deri në lagje’’, tha ajo për Radion Evropa e Lirë.

    Mexhidja është infermiere e një spitali privat në Prishtinë. Virusin e ka marrë nga një kolege e saj e cila punonte me të në të njëjtin spital.

    Ajo tregon se pasi kolegia e saj doli pozitiv me Covid-19, i cili stafi i spitalit u testua për koronavirus nga Instituti Kombëtar i Shëndetësisë Publike. Ajo shton se u shtri në Klinikën Infektive për ta ruajtur familjen e saj, ndonëse me ta kishte pasur kontakte gjatë qëndrimit në shtëpi.

    Pas lëshimit nga Klinika Infektive, institucionet përkatëse monitoruan gjendjen e Mexhides përmes telefonit.

    “Kam pasur telefonata edhe nga Instituti Kombëtar, por edhe nga Komuna e Prishtinës. Nga Instituti janë kujdesur për gjendjen shëndetësore, nëse ndihesha mirë, derisa nga Komuna kam marrë pako me ndihma ushqimore dhe higjienike”, tha ajo.

    Ndërkohë ajo shton se të vetmin simptomë e ka pasur humbjen e shijes, e që ka zgjatur vetëm një ditë.

    “Një ditë kur fillova të ha drekë, më humbi shija, nuk e shijoja ushqimin. Më erdhi një ndjenjë e keqe, por qe kjo kaloi shumë shpejtë. Do të thotë, unë e kam kaluar gjithë sëmundjen Covid-19, me gjendje të mirë shëndetësore, vetëm se e dija që isha e infektuar”, tha ajo.

    Burrë e grua në luftë me virusin dhe larg fëmijëve

    Mexhidja jeton me bashkëshortin dhe tre fëmijët e saj. Ndonëse ka pasur kontakt me ta brenda mureve të shtëpisë, asnjëri nga anëtarët e saj të familjes, pas testimeve, nuk rezultoi pozitiv.

    Ajo thotë se familjarët kanë jetuar normalisht, pa ndonjë kufizim, meqë vetë mjekët brenda Institutit Kombëtar të Shëndetësisë Publike u kanë thënë që të bëjnë një gjë të tillë.

    “As fëmijët e mi e as bashkëshorti nuk janë infektuar. Pas meje, edhe atyre ju ka bërë testin Instituti Kombëtar, por që rezultuan negativë. Pasi unë isha në spital e shtrirë, familjarët ishin negativë, dhe ishin të lirë të dalin dhe të jetojnë normalisht. Pra, ata nuk kanë pasur asnjë pengesë”, tregon ajo.

    Megjithëkëtë, Mexhidja thotë se ato pesë javë sa ka qenë pozitiv me Covid-19, i ka menaxhuar mirë. Ajo përcjell porosinë te personat që mund të rezultojnë pozitivë, e që nuk kanë probleme shëndetësore ose janë simptomatikë, që të mos bëjnë panik, pasi sipas saj, sëmundja kalohet edhe më lehtë me qetësi.

    Klinikës Infektive po i rrezikohen kapacitetet për të sëmurët me Covid-19

    Sipas të dhënave të fundit, që prej shfaqjes së rasteve të para me koronavirus në Kosovë më 13 mars, e deri më sot, janë regjistruar 1,998 raste me Covid-19. Prej tyre, 980 persona janë shëruar dhe 34 pacientë kanë vdekur.

    Ndër simptomat kryesore të sëmundjes Covid-19 janë: temperatura e lartë, ethet, kollitja, teshtima, probleme me frymëmarrje, lodhja, dhimbje e muskujve dhe kyçeve, kokëdhimbja, humbja e shijes dhe nuhatjes, vjellja dhe diarreja.

    Organizata Botërore e Shëndetësisë thotë se vendosja e maskave në fytyrë dhe mbajta e distancës fizike prej 2 metrash janë ndër masat kryesore që ndihmojnë në parandalimin e përhapjes së mëtejmë të koronavirusit të ri. /rel/

    Zgjerimi i Comoditës në SHBA: “Nap Queen Sleep”, krenaria e shqiptarëve
    Nga Rubrika
    Lajme20 Qershor 2024
    Luftëtari dhe invalidi i luftës së UÇK-së, Nexhat Cikaqi, ka nevojë për ndihmën e të gjithëve. Ai vuan nga një sëmundje dhe...
    Lajme20 Qershor 2024
    Departamenti i Krimeve të Rënda i Prokurorisë Themelore në Prizren, ka ngritur aktakuzë kundër të pandehurve B.B., dhe B.K., për shkak të...
    Lajme20 Qershor 2024
    Presidentja Vjosa Osman është takuar me homologen e saj sllovene, Natasha Pirc-Musar, në margjinat e Samitit të Paqes për Ukrainën që u...
    Të tjera
    Lajme20 Qershor 2024
    Gjykata Supreme e Kosovës, përmes aktgjykimit të 27 majit 2024 e ka anuluar aktgjykimin e Gjykatës Themelore në Prishtinë dhe atë të...
    Vip20 Qershor 2024
    Tayna dhe ish-menaxheri i saj Rinor Hykolli janë temë diskutimi në media rozë. Kënga e fundit e këngëtares është fshirë përsëri nga...
    Sport20 Qershor 2024
    Kroacia pësoi gol në minutën e 95-të nga Klaus Gjasula i Shqipërisë, në po të njëjtën mënyrë që realizuan vetë kundër Brazilit...
    Lajme20 Qershor 2024
    Deputeti i AAK-së, Pal Lekaj, për FrontOnline, thotë se partitë politike ka kohë që po tentojnë të jenë sa më afër qytetarëve,...
    Lajme20 Qershor 2024
    Në Bashkimin Evropian nuk ka pajtim të plotë për heqjen e masave ndëshkuese të vendosura ndaj Kosovës. Por, si kompromis pritet që...
    Lajme20 Qershor 2024
    Policia e Kosovës ka njoftuar se mjeti që u gjet në rrugën “Shpëtim Robaj”, nuk ishte shpërthyes. Flora Ahmeti, zëdhënëse e Policisë...

    FrontOnline, © 2024 Të gjitha të drejtat e rezervuara.