Kalimi kufitar verior i Rripit të Gazës me Izraelin është hapur për herë të parë që nga fillimi i luftës në Gaza tetorin e kaluar.
Media e shërbimit publik jordanez, Al-Mamlaka TV, raporton se një kolonë jordaneze ndihme e përbërë nga 31 kamionë, hyri në Gaza përmes kalimit.
Gazeta lokale izraelite, The Times of Israel, citoi kolonelin e ushtrisë, Moshe Tetro, kreun e Administratës së Koordinimit dhe Ndërlidhjes të Izraelit për Gazën, i cili tha se shpreson që kalimi të jetë i hapur çdo ditë dhe të ndihmojë në arritjen e një objektivi prej 500 kamionësh ndihma që hyjnë në Gaza çdo ditë.