×
  • Bota/Rajoni
  • Bota/Rajoni

    Rezervat e arit të Bankës së Shqipërisë arrijnë vlerën më të lartë historike

    FrontOnline
    02 Shtator 2020

    Rezervat e arit të Bankës së Shqipërisë arritën në fund të korrikut vlerën rekord të 147 milionë eurove.

    Statistikat e Bankës Qendrore tregojnë se rezervat e arit janë rritur me 73% krahasuar me një vit më parë. Rritja e vlerës së arit ka ardhur njëkohësisht nga zgjerimi i investimeve të bankës qendrore në këtë instrument, por edhe nga rritja e çmimit në tregjet ndërkombëtare.

    Sipas kursit zyrtar të Bankës së Shqipërisë, në intervalin kohor korrik 2019-korrik 2020 vlera e arit është rritur me rreth 32% dhe ky ka rezultuar fitimprurës si instrument i investimit të rezervës valutore të vendit. Aktualisht, një onz ar kuotohet në vlerën e 206 mijë lekëve ose rreth 1660 eurove.

    Kriza e Covid-19 dhe “përmbytja” e tregut me likuiditet për të ndihmuar ekonominë kanë rritur kërkesës për metale të çmuara, që perceptohen nga investitorët si asete më të sigurta për ruajtjen e vlerës në kohëra krizash.

    Ari monetar përbën tashmë 3.6% të rezervës valutore të vendit, ndërsa në muajin maj kishte arritur peshën më të lartë specifike të regjistruar ndonjëherë, me 3.9% të totalit. Pas rritjes së fortë të rezervës valutore nga fondet e eurobondit në muajin qershor, pesha specifike e arit pësoi një rënie të lehtë.

    Eurobondi bëri që rezerva valutore e vendit që në mesin e këtij viti të kalonte për herë të parë kufirin e 4 miliardë eurove. Në fund të korrikut, vlera e mjeteve të rezervës ishte 4.12 miliardë eurove ose afërsisht sa 32% e Prodhimit të Brendshëm Bruto. Kjo shumë është gati katër herë sa deficiti i llogarisë korente të vitit të kaluar.

    Megjithatë, rritja në nivele kaq të larta pritet të jetë e përkohshme, pasi një pjesë e eurobondit do të përdoret për shlyerjen e atij të vitit 2015, që maturohet në vjeshtë, ndërsa pjesa tjetër do të përdoret në funksion të programit të rindërtimit dhe mbulimit të deficitit buxhetor.

    Në harkun e pesë viteve të fundit, rezerva valutore e Bankës së Shqipërisë është zgjeruar me 56%. Rritja është bërë kryesisht përmes blerjes së valutës në tregun e brendshëm. Rezerva valutore ka si qëllim kryesor plotësimin e nevojave emergjente të ekonomisë për valutë, por edhe zbutjen e goditjeve eventuale që mund të cënojnë stabilitetin financiar të vendit./Monitor/

    Nga Rubrika
    Bota/Rajoni14 Maj 2025
    Një 29-vjeçar nga Lushnja është arrestuar nga Policia e Tiranës, pasi akuzohet se ka rrëmbyer dhe kanosur një vajzë të re në...
    Bota/Rajoni14 Maj 2025
    Kryeministri i Shqipërisë, Edi Rama i është përgjigjur urimit që presidenti i Francës, Emmanuel Macron, i bëri paraditen e kësaj të mërkure...
    Bota/Rajoni14 Maj 2025
    Presidenti i Francës Emanuel Macron, ka uruar në gjuhën shqipe kryeministrin e Shqipërisë Edi Rama për fitoren në zgjedhjet e 11 majit....
    Të tjera
    Lajme14 Maj 2025
    Presidentja e Republikës së Kosovës, Vjosa Osmani, priti sot në takimin e Misionit për Vëzhgimin e Zgjedhjeve të Bashkimit Evropian, eurodeputeten Nathalie...
    Lajme14 Maj 2025
    Grupi për Studime Juridike dhe Politike (GLPS) ka bërë një reagim publik për krizën institucionale në vend dhe ndikimin e saj për...
    Lajme14 Maj 2025
    Kryetari i Prishtinës, Përparim Rama deklaron se kryeqyteti është në hap me kohën sa i përket përgatitjeve për Lojërat Mesdhetare – me...
    Lajme14 Maj 2025
    Figurë përçarëse e kishte cilësuar Kurti në vitin 2017 Kadri Veselin, të propozuarin e PAN’it për kryetar të Kuvendit. Njëjtë po i...
    Lajme14 Maj 2025
    Presidentja e Republikës së Kosovës, Vjosa Osmani, priti sot në takim Shefin e Zyrës së Bashkimit Evropian në Kosovë, Aivo Orav, me...
    Lajme14 Maj 2025
    Avokati kosovar Ardian Bajraktari ka njoftuar sot se Gjykata Themelore në Prishtinë e ka refuzuar padinë e dorëzuar nga grupi “Asnjë Cent...
    -->

    FrontOnline, © 2025 Të gjitha të drejtat e rezervuara.