Sa më shumë që Qeveria Kurti punon kokë më vete, me politika përjashtuese, pa strategji të menduar mirë, me taktizime për përfitime afatshkurta dhe pa u koordinuar as me ShBA-t dhe të tjerët, por as me opozitën – aq më shumë po imponohet Serbia në dialog ashtu si kurrë më parë – si konstruktive.
• aq më shumë po normalizohet jo normalja në veri të cilën Qeveria Kurti nuk po e sheh se po bëhet ‘status quo’ e dëmshme për të gjithë ne.
• aq më shumë Serbia po përceptohet si faktor stabiliteti të cilin realisht nuk e ka por i cili po i duhet shumë.
• aq më shumë po i shkon për dore Serbisë që ta kamufloj politikën e saj destabilizuese me viktimizim të qytetarëve serb në veri.
• aq më shumë po justifikohet rritja e pranisë së pandalshme të ndërkombëtarëve me justifikimin se Prishtina nuk po mundet vetë, nuk po dinë vet etj.
• aq më shumë Serbisë po i shkon për dore ta paraqet situatën në veri si shumë të tendosur, pa shpresë dhe me rrezik përkeqësimi edhe në pjesë tjera të vendit.
• aq më shumë investitorët e huaj do të kenë përshtypjen se Kosova është në prag lufte dhe nuk ja vlenë as të provohet investimi edhe për një kohë.
• aq më shumë vendimet që duhet t’i marr Prishtina po rrezikohen të transferohen në Bruksel, si puna e përsëritjes së zgjedhjeve në veri.
• aq më shumë do të rritet numri i atyre të cilët po kërkojnë jetë më të mirë atje ku s’ka Qeverisje Kurti.
• aq më shumë hallet dhe ankesat në rritje të qytetarëve të Kosovës do të mbulohen me populizëm dhe me flamurin e Kosovës që pretendohet se valvitet në veri
Faton Abdullahu 
