Qeveria emëron Bujar Ejupin-drejtor të përgjithshëm të Aviacionit Civil

Qeveria e Kosovës në mbledhjen që është duke e mbajtur ka emëruar Bujar Ejupin, drejtor të përgjithshëm të aviacionit civil të Kosovës.

Me propozim të ministrit të Infrastrukturës dhe Ambientit, Arban Abrashi, Qeveria e Kosovës, me asnjë votë kundër, ka emëruar Bujar Ejupin, drejtor të Aviacionit Civil të Kosovës.
Në fjalën e tij, ministri Abrashi, tha se për këtë pozitë kanë qenë Eresen Shileku, Petrit Mehmeti, Bujar Ejupi, Arianit Islami.

Abrashi në mesin e këtyre emrave i propozoi qeverisë Bujar Ejupin, i cili edhe u votua unanimisht nga kabineti qeveritar.

Sipas Abrashit, Ejupi ka përvojë shumëvjeçare si zëvendësdrejtor komercial në Aeroportin Ndërkombëtar të Prishtinës “Adem Jashari”.

Prince Caffe: Hape dhe fito preminë kryesore, çdo muaj nga një Fiat 500

Sponsoruar