Këtë festë të Bajramit shumë persona e priten duke luftuar për jetë.

Në klinikën e Pulmologjisë, ku po trajtohen 80 pacientë e prej tyre 70 me oksigjeno terapi urimin e vetëm e kanë që t’i mbijetojnë COVID-19.

Brenda Klinikës së Pulmologjisë po trajtohen mbi 80 pacientë, 70 prej tyre me oksigjenoterapi.

Këtu, më së paku ka atmosferë feste.

Të premten, nëpër hapësirat e Klinikës së Pulmologjisë, duket se askujt nuk i bie ndërmend për festën e Kurban Bajramit.

I gjithë përqendrimi është te ofrimi i shërbimeve mjekësore për më shumë se 80 pacientë që po qëndrojnë të shtrirë.

Hicç më pak se 70 prej tyre kanë nevojë për asistim me oksigjen tërë kohën.

Pothuajse secili pacient ka nevojë për pajisje të ndryshme mjekësore, të cilat në një mënyrë a tjetrën i mbajnë ata në jetë.

Për njërin nga të infektuarit këtu, ku zhurma e respiratorit është më e fuqishme se vetë zëri i tij, kjo është hera e parë që festë të Bajramit pret në spital.

Një tjetër tregon se urimet për festë i ka bërë përmes telefonatave me familjarë.

Ai rekomandon që të shmangen vizitat në këtë kohë.

Mjeku kujdestar në këtë Klinikë, Flamur Marku, pohon se kanë pasur më shumë punë se ditët tjera, pavarësisht se është ditë feste.

Tutje, pulmologu thotë se kanë sygjeruar pacientët të mos pranojnë vizita, për shkak Klinika është mbingarkuar tashmë.

Edhe 12 infermierë po ndihmojnë mjekët në punët brenda Klinikës. 19 kolegë të tyre janë të infektuar nga Covid 19.

Edhe në oborrin e Klinikës Infektive, aty ku po ashtu trajtohen pacientë me Covid 19 ditën e Bajramit të Vogël nuk pati shumë lëvizje.

Aty u panë vetura që kryejnë ceremoni të funeraleve, në pritje të trupave që nuk mbijetojnë si pasojë e Covid 19.