PSD-ja, ka kërkuar dorëheqjen e bordit të ZRRE-së pas vendimit të Apelit.Nol Nushi nga PSD-ja ka thënë se ZRRE-ja, duhet ta di përgjegjësinë morale dhe të dorëhiqen para se t’i shkarkojnë ata që i kanë ngarkuar.
“Jemi këtu në zyrat e rregullatorit të energjisë së Kosovës apo të fajtorit kryesor pse çmimi është i lartë dhe i papërballueshëm për qytetarët”.“Që nga janari qytetarët kanë qenë përball Qeverisë duke kundërshtuar një vendim të këtij institucioni që rriste çmimin e energjisë elektrike dhe kështu mundësonte që Qeveria e Kosovës ta subvenciononte me 100 milionë euro një operator privat”, tha Nushi.
“Kjo rritje e çmimit është edhe e padrejtë edhe korruptive dhe dje u vërtetua që është edhe joligjore. Apeli dje e vërtetojë atë që ka thënë Gjykata Themelore që rritja e çmimit të energjisë është e paligjshme”.
“U’a kujtojmë edhe një herë qytetarëve se Kosova gjatë këtyre muajve më shumë ka eksportuar energji sesa që ka importuar. Duhet të shohim se kjo është vetëm një nisje e një shpalosje e kësaj Qeverie. Ende nuk po e dim se ku po shkojnë ato para, ende nuk po e dim ku po shkojnë 100 milionë euro”.
“Këtij institucioni duhet më ja kujtua një veprim që është moral që është dorëheqja. Kjo është kategori morale. Nëse se din përgjegjësin morale që është , atëherë është përgjegjësi politike që duhet me i shkarkua këta që i ka emërua. Nëse nuk vje shkarkimi nga niveli më i lartë, atëherë kemi përfshirje të një skandali.”Ai tutje tha se qytetarëve duhet të ju rikthehen paratë.