Gjatë ditës së djeshme, në rrugën “Xheladin Hana” në Prishtinë, një 20-vjeçare ndërroi jetë pasi që sipas Policisë, e njëjta kishte rënë nga kati i 4-tët i një ndërtese në lagjen “Bregu i Diellit”.
Viktima, menjëherë ishte dërguar në QKUK, por nuk kishte mbijetuar.Lidhur me këtë ngjarje nga Prokuroria Themelore e Prishtinës, thonë për GazetaBlic, se trupi i të ndjerës është dërguar për obduksion në Institutin e Mjekësisë Ligjore, dhe se është duke u hetuar si vdekje e dyshimtë.
“Lidhur me pyetjet e parashtruara nga ana juaj, ju njoftojmë se prokurori kujdestar i Departamentit të Krimeve të Rënda te Prokurorisë Themelore në Prishtinë, sot, ka lëshuar urdhëresë per obduksion, me ç’ rast trupi i pajetë është dërguat në Istitutin e Mjekësisë Ligjore. Rasti po hetohet si “vdekje e dyshimte”, thanë nga Prokuroria.
