Policia e Kosovës, më saktësisht Drejtoria Rajonale e Policisë në Pejë po kërkon ndihmën e qytetarëve për arrestimin e Gezim Azemajt nga fshati Aqarevë i Skënderajt.

Azemaj, kërkohet për veprën penale “Arratisja e personit të privuar nga liria”, përcjell FrontOnline.

Policia ka bërë thirrje se kushdo që e sheh këtë person të lajmërojë në stacionin më të afërt policor.

Komunikata e plotë:

Policia e Kosovës – Drejtoria Rajonale e Policisë në Pejë, bazuar në ligj për publikimin e fotos me shënime tjera të personit të kërkuar më Urdhëresë të Gjykatës Themelore nё Pejë, me qëllim lokalizimin dhe rrjedhimisht arrestimin e tij, lëshon: Kërkesë për bashkëpunim me qytetarët.

Personi i kërkuar është:

 GEZIM (Fazli) AZEMAJ i lindur me 23.03.1991 Aqarevë- Skenderaj

I pandehuri është i kërkuar për veprёn penale:

 “Arratisja e personit të privuar nga liria”

Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.

Drejtoria Rajonale e Policisë në Pejë, çdo të Premte do të publikojë nga një ose më shumë persona në kërkim, për të cilët kërkohet ndihma e qytetarëve me qellim, sjelljen e tyre para drejtësisë.

Numrat e telefonit dhe adresat elektronike kontaktuese për të kontaktuar Policinë e Kosovës:

– 192 dhe 080019999 (pa pagesë)

– 039 432 327-Drejtoria Rajonale Pejë

– E-mail adresa: [email protected]