×
  • Kronika
  • Kronika

    Përsëri shtyhet gjykimi ndaj të akuzuarve për vrasjen e kushëririt në Sadovinë të Çerkezëve

    FrontOnline
    16 Korrik 2020

    Për të dytën herë me radhë, ka dështuar të vazhdojë gjykimi ndaj të akuzuarve për vrasje të rëndë, Besmir, Samet, Fisnik, Ismet dhe Hizri Ismajli, si dhe të akuzuarit për lëndim të lehtë trupor, Ermond Ismajli.

    Seanca gjyqësore e cila ishte caktuar të mbahej te enjten, në Gjykatën Themelore në Gjilan,  është shtyrë për shkak të pandemisë.

    Lajmin për “Betimi për Drejtësi” e ka konfirmuar kryetari i trupit gjykues, gjykatësi Zyhdi Haziri, duke bërë të ditur se një dëshmitare ka rezultuar me simptoma të virusit Covid-19, për cka dhe seanca është shtyrë për kohë të pacaktuar.

    Ndryshe, Prokuroria Themelore në Gjilan, më 26 nëntor 2019, ka ngritur aktakuzë ndaj të pandehurve Besmir, Samet, Fisnik, Ismet dhe Hizri Ismajli, me arsyetimin se të njëjtit, me 2 maj 2019, në fshatin Sadovinë e Çerkezëve, Komuna e Vitisë, me dashje dhe në bashkëkryerje, për motive pasurore-pronësore, kanë privuar nga jeta tani të ndjerin Muhamet Ismajli.

    Sipas aktit akuzues, kjo ka ndodhur në atë mënyrë që të akuzuarit fillimisht shkojnë për të punuar në pronën kontestuese, e cila gjendet në afërsi të shtëpisë së tani të njërit Muhamet, me ç’rast ky i fundit me familjarët e tij dalin për të biseduar lidhur me arritjen e një marrëveshjeje, për çka këta të fundit refuzojnë, e që më pas vazhdojnë me fyerje të cilat sjellin eskalimin e situatës deri në konflikt fizik.

    Sipas aktakuzës, të pandehurit me mjete të forta mbretëse, si drunjë dhe shufra metalike, e godasin tani të ndjerin në pjesë të ndryshme të trupit, duke i shkaktuar dërmishje dhe gërvishtje lëkurore, për çka i njëjti nga familjarët transportohet në Shtëpinë e Shëndetit në Viti, e më pas si rast urgjent dërgohet në Qendrën Emergjente të Spitalit Regjional në Gjilan.

    Pas kësaj, sipas aktakuzës, i ndjeri transferohet në QKUK në Prishtinë, ku edhe konstatohet vdekja e tij si rezultat gjakderdhjes masive në kokë, e shkaktuar nga përdorimi i mjeteve të forta mbretëse.

    Në këtë drejtim, prokuroria pretendon se të akuzuarit në fjalë kanë kryer veprën penale në bashkëkryerje “vrasje e rëndë”, nga neni 173 paragrafi 1 nën paragrafi 1.6 lidhur me nenin 31 të Kodit Penal të Republikës së Kosovës.

    Tutje sipas aktit akuzues, i pandehuri Edmond Ismajli, për shkak të një mosmarrëveshje rreth një kontesti pronësor me përdorimin e atëçastshëm të dhunës, në kohë dhe vend si në dispozitivin e parë, me dashje u ka shkaktuar lëndime trupore Ismet dhe Fisnik Ismajlit, në atë mënyrë që gjatë kacafytjeve, me një lopatë i godet të dëmtuarit dhe u shkakton atyre ndrydhje të indeve, për çka akuzohet se ka kryer veprën penale “lëndim i lehtë trupor” nga neni 185 paragrafi 2 lidhur me paragrafin 1 nën paragrafi 1.4 të Kodit Penal të Republikës së Kosovës.

    Comodita nis 35 kontejnerë me dyshekë për në SHBA
    Nga Rubrika
    Kronika25 Qershor 2024
    Një shtetas i Shqipërisë është gjetur pa shenja jetë të hënën në Fushë Kosovë. Vdekja e tij është konstatuar nga ekipi mjekësor...
    Kronika25 Qershor 2024
    Një personit në Fushë Kosovë, të hënën policia i ka vendosur prangat në duar nën dyshimin se ai ka sulmuar seksualisht një...
    Kronika25 Qershor 2024
    Dy femra janë raportuar të zhdukura në dy raste në Vushtrri. Rastet janë raportuar të hënën, më 24 qershor, njofton policia. Vushtrri...
    Të tjera
    Bota/Rajoni25 Qershor 2024
    Mbyllja e pikëkalimit në Rafah mes Egjiptit dhe Gazës ka pamundësuar evakuimet mjekësore të së paku 2.000 pacientëve, tha një zyrtar i...
    Lajme25 Qershor 2024
    KD Events & Communications ka reaguar pasi u përfol se hyrja në Prishtina Football Fest është me pagesë. Kjo kompani ka thënë...
    Sport25 Qershor 2024
    Kuqezinjtë e Kombëtares shqiptare mbërritën në Aeroportin e Rinasit pas përfundimit të rrugëtimit të tyre në Euro 2024. Sapo mbërriti në Rinas,...
    Vip25 Qershor 2024
    Çifti PM-Sarah kanë dëshirë të bëhen prindër. Po dasma e shumëpërfolur? Ende jo! DJ PM ishte i ftuar në emisionin “District”, ku...
    Sport25 Qershor 2024
    Kombëtarja e Shqipërisë e përfundoi rrugëtimin në Euro 2024, pasi arriti të arkëtojë vetëm një pikë në Grupin B. Përkundër se ishte...
    Lajme25 Qershor 2024
    Deputetja nga radhët e LDK-së, Vlora Dumoshi ka reaguar pas vendimit të Gjykatës Kushtuetuese lidhur me rastin e shkarkimit të Kimete Gashi,...

    FrontOnline, © 2024 Të gjitha të drejtat e rezervuara.