70 pacientë me COVID 19 po trajtohen në Spitalin e Përgjithshëm të Pejës, 9 prej të cilëve janë në gjendje të rëndë.Ndërkaq, mbrëmë është njoftuar se një 32 vjeçar ka vdekur, por sipas njoftimit të sotëm për të njëjtin nuk kishte dalë rezultati tek më vonë.
Njoftimi i plotë:
Në Spitalin e Përgjithshëm në Pejë aktualisht po trajtohen 70 pacientë me Covid-19. Nga këta pacient 26 pacientë janë në Oksigjeno terapi. 9 pacientë janë në gjendje të rëndë, ndërsa pacientet e tjerë janë në gjendje më stabile.
7 pacientë të infektuar me Covid-19 janë shëruar gjatë 24 orëve të fundit.
Nga personeli i Spitalit 5 Mjek, 11 Infermierë dhe 3 punëtor të shërbimit teknik janë të infektuar me Covid-19.
Një pacient i moshës 32 vjeçare nga Komuna e Pejës i shoqëruar edhe me sëmundje tjetër të rëndë, fatëkeqësisht ka vdekur mbrëmë. I ndjeri ka qenë me diagnozë Covid-19, ka kryer testin por ende nuk ka pasur rezultat. Spitali i Përgithshëm në Pejë shpreh ngushëllime familjarëve të të ndjerit.
