[wp-story]

Lajme

PDK Prishtinë: Qeverisjet e LDK dhe VV pa vizion për Prishtinën, cdo vit i tepron mbi 20% e buxhetit

PDK Prishtinë: Qeverisjet e LDK dhe VV pa vizion për Prishtinën, cdo vit i tepron mbi 20% e buxhetit
14:12 | 04 Tetor 2020

Sot Partia Demokratike në Prishtinë ka mbajtur konferencë për shtyp ku ka folur për buxhetin e Komunës së Prishtinës i cili u miratua ditë më parë si dhe mungesën e vizionit që tradicionalisht po përcjellë cdo buxhet nga të gjitha partitë që kanë udhëhequr me kryeqytetin.

Deputetja nga radhët e PDK-së, Eliza Hoxha tha që që nga shpallja e pavarësisë, por edhe më herët, kemi pasur një buxhet të Prishtinës të dizajnuar për komunën por jo për qytetarët.

“Buxheti i Prishtinës tradicionalisht nuk përbushë nevojat e qytetarëve, të famlijeve, prindërve, fëmijëve, dhe gjyshërve tanë. Si pasojë, kemi një Prishtinë të paorganizuar dhe jo funksionale që në vend se të na lehtësoj, ajo na ka rënduar jetën e secilit prej nesh.”

Sipas Partisë Demokratike në Prishtinë, buxheti i komunës së Prishtinës nuk ka paraparë asnjë vijë buxhetore për përballjen me Covid-19.

“Ndërmarrësit e Prishtinës edhe njëherë do të jenë të vetëm në ballafaqim me krizën, pasiqë asnjë linjë buxhetore nuk është ndarë për ta. Përkundrazi, kemi zvogëlim të buxhetit për zhvillim ekonomik nga 500 mijë në 100 mijë euro” tha Eliza Hoxha.

Sa i përket realizimit të buxhetit ndër vite, Leutrim Retkoceri, asambleist i PDK në Prishtinë tha që Prishtina që nga paslufta është kampione e tepricave buxhetore apo suficititi.

Për shkak të planifikimeve të dobëta nga të gjitha qeveritë e deritanishme në Prishtinë, si nga LDK e poashtu nga Vetëvendosje, mesatarisht 20% e buxhetit apo rreth 17 milionë Euro i humbin Prishtinës në suficit cdo vit.

Bonus dhe Premium Kartela të cilat po i ofron Petrol Company, kartelat më të kërkuara nga klientët

Të tjera