Partia Demokratike e Kosovës (PDK), ka vendosur që të votojë rrëzimin e Qeverisë Hoti, në momentin e parë kur në Kuvend arrin ndonjë mocion për një gjë të tillë.

Kështu ka thënë për GazetaBlic, zyrtari për media nga PDK, Bashmir Xhemaj.Mirëpo, ai ka thënë se ata nuk nënshkruajnë asnjë mocion për thirrje të seancës së Kuvendit për rrëzimin e Qeverisë.

Por, në momentin kur kjo çështje arrinë në Kuvend, ai thotë se votat e PDK-së, do jenë pro rrëzimin të Qeverisë Hoti.

“Ne nuk nënshkruajmë asnjë mocion, por çfarëdo mocioni që vjen në kuvend e nënshkruajmë, sikurse që e kemi nënshkru edhe për ish qeverinë”.

E sa i përket një bashkëpunimi të mundshëm me Vetëvendosjen pas rrëzimit të qeverisë tha se për këtë çështje fillimisht duhet të deklarohen nga partia e Albin Kurtit, se a kanë vija të kuqe për PDK-në e Kadri Veseli.“Ne jemi të qartë, i kemi thënë edhe Vetëvendosjes që një herë duhet me u deklaru për vijat e kuqe, sepse ne nuk nënshkruajmë mocion”, tha Xhema për Gazeta Blic.