Deputetja nga radhët e LVV-së, Fitore Pacolli, ka deklaruar se kryeministri duhet të dijë se çfarë ka ndodhur gjatë tërë kohës me procesin e dialogut.
“Kryeministri në një bashkëbisedim shprehet ‘unë nuk jam prej personave që kam marrë pjesë në proces të dialogut nuk i dijë prapaskenat e këtij procesi’.
“Edhe po të dojë ky nuk dijë të udhëheq këtë proces. Pastaj vazhdon thotë se ‘Kam kërkuar nga partnerët ndërkombëtarë në ditën e parë gjatë bisedës telefonikë me Berlinin, Parisin, Brukselin dhe Washingtonin, duke iu thënë atyre se a mund të më tregoni se ku ka arritur procesi i bisedimeve’”.
“Është kryeministër i këtij vendi dhe i thotë Berlinit se ku ka arritur dialogu, paramendojeni sa poshtë kemi ardh. Kryeministri duhet ta dijë komplet se çfarë ka ndodhur me procesin e dialogut”.
Pacolli ka deklaruar dija Hotit humbet karshi asaj të Vuçiqit gjatë takimeve.
“Ai del para Vuçiqit i cili tregon se Hoti është një politikan jo përgatitur dhe jo i aftë. Përderisa Hoti ka thirrur Brukselin, Berlinin Washingtonin për t’i pyetur ku ka arritur dialogu”.
“Vuçiqi në një intervistë thotë se “Ma lini mua çështjen e Kosovës sepse unë jam veteran i politikës, unë e di çfarë ka ndodh pikë e për pe në dialogun Kosovë-Serbi”. Ndërsa Hoti nuk di fare për procesin politik”
“Po shiteni trima, po thoni se nuk tuteni, por sot trimëri nuk është me pasë guxim edhe me shku. Trimëri sot është me ditë me udhëheq një dialog. Ju niseni duke u thirr në trimëri e kur po dilni para Vuçiqit që është një bishë politike e një shteti gjenocidal serb. Ju bëheni pulë aty”.
“Edhe atë dijeni që e keni aty ju humbet, se di ku ju mbetet. Thoni se nuk po hezitojmë, por kur shkoni atje nuk dini me mbrojt vendin e juaj. Ju thoni se të gjitha ato që i bisedoni atje do ta na i tregoni saktë dhe drejtë. Është mirë të na tregoni se çfarë keni biseduar me Vuçiqin?”, ka thënë Pacolli sot gjatë seancës së Kuvendit në të cilën Hoti ka raportuar për takimin në Bruksel me presidentin e Serbisë, Aleksandar Vuçiq.
