Gjatë ditës së djeshme kanë hyrë në fuqi masat e reja për lëvizjen e qytetarëve shkaku i pandemisë COVID-19. Ndryshimi i orarit të lëvizjes ka bërë që edhe numri i personave të arrestuar të jetë më i vogël.

Policia gjatë ditës së djeshme ka arrestuar vetëm tre persona të cilët nuk kanë respektuar orarin e lëvizjes.

Një person u arrestua në Gjilan, një në Gjakovë dhe tjetri në Mitrovicë.

Rastet e plota sipas raportit të policisë:

Gjilan 27.05.2020-15:500. Njësitë policore kanë identifikuar të dyshuarin mashkull kosovar i cili nuk iu është përmbajtur udhëzimeve të IKSHP-së për vetë izolim, ku i njëjti ka rezultuar pozitiv në test. Pas verifikimit nga njësiti policor me datë 27.05.2020, është vërtetuar se i njëjti nuk ka respektuar udhëzimet për vetë izolim.

Rahovec 28.05.2020-13:00. Njësitë policore së bashku me inspektorët kanë hasur në një restorant pronarin mashkull kosovar, duke shërbyer klient, duke mos respektuar dhe vepruar sipas dispozitave shëndetësore gjatë epidemisë. Me urdhër të prokurorit kujdestar, rasti procedohet në procedurë të rregullt.

Rr. Skënderbeu, Vushtrri 28.05.2020-12:56. Njësitë policore së bashku me inspektorët kanë hasur një restorant me pronar të dyshuarin mashkull kosovar, duke shërbyer klient me kafe, duke mos respektuar dhe vepruar sipas dispozitave shëndetësore gjatë epidemisë. Me urdhër të prokurorit kujdestar, rasti procedohet në procedurë të rregullt.