Kryetarja e Kuvendit të Kosovës, Vjosa Osmani në seancën e plenare ka pyetur kryeministrin Avdullah Hotin se pse lejoi mbajtjen e zgjedhjeve në Serbi. Pasi siç tha ajo, në vitin 2012 në Kuvendin e Kosovës është votuar një rezolutë e cila nuk lejon mbajtjen e zgjedhjeve të Serbisë në Kosovë.
“Në vitin 2021 kuvendi ka raportuar rezolutë kundër mbajtjes së zgjedhjeve të Serbisë në Kosovës duke treguar që është kundër ligjeve të Kosovës, në atë kohë ajo rezolutë ka marr 66 vota. Për fat të keq që nga ajo kohë janë mbajte zgjedhjet. Ju e dini që me kushtetutën tonë delegimi mund të bëhet vetëm më ratifikim në Kuvend. Cila është baza ligjore, cila është baza kushtetuese dhe cilat konventa ndërkombëtare e lejojnë mbajtjen e këtyre zgjedhjeve”, ka thënë Osamni
Osmani ka kërkuar sqarim nga kryeministri se pse është shkelur vullneti i Kuvendit të Kosovës.
“Është mirë të sqarohet në Kuvend se pse është shkelur vullneti i këtij Kuvendi që të mbahen zgjedhjet e Serbisë në Kosovë”, ka thënë Osmani
Mirëpo, kryeministri Hoti pasi mori fjalën, i tha Osmanit se këtë e sqaroi më herët dhe më pas e uroi deputetin Berisha për ditën e komuniteti egjiptian.
“Në fjalën që kisha me herët i dhashë të gjitha sqarimet e nevojshme. unë i urojë deputeti Berisha ditën e komuniteti egjiptian”, ka thënë Hoti.
https://www.facebook.com/FrontOnlineMedia/videos/190661312352125/
