Gjykata Themelore në Gjilan e ka aprovuar kërkesën e Prokurorisë Themelore dhe ia ka caktuar masën e paraburgimit prej 30 ditësh të pandehurit me inicialet A. E.

Kjo për arsye se ekziston dyshimi i bazuar se i pandehuri ka ushtruar dhunë fizike dhe psikike ndaj prindit të tij Xh. E.

“Fillimisht i kërkon para, e më pas e shtynë duke e rrëzuar në tokë dhe godet me këmbë, duke shkaktuar frikë, ankth dhe shqetësim emocional në familje”.

“Gjyqtari i procedurës paraprake në Departamentin e Përgjithshëm, pas shqyrtimit të shkresave të lëndës, ka konsideruar se janë përmbushur kushtet ligjore për caktimin e masës së paraburgimit ndaj të pandehurit, pasi që po të lihet në liri ekziston rreziku i ikjes dhe përsëritja e veprave penale”.