×
  • Bota/Rajoni
  • Bota/Rajoni

    Nisin bisedimet për ruajtjen e traktatit bërthamor mes SHBA-së dhe Rusisë

    FrontOnline
    22 Qershor 2020

    Shtetet e Bashkuara dhe Rusia kanë nisur të hënën bisedimet dyditore rreth marrëveshjes së tyre bërthamore të ashtuquajtur, Traktati për Zvogëlim të Armëve Strategjike, i cili përcakton numrin e kokave bërthamore me rreze të gjatë që mund të ketë secili shtet.

    Shtetet e Bashkuara përfaqësohen nga negociatori për kontrollin e arëmve, Marshall Billingslea, derisa Rusia ka dërguar zëvendës-ministrin e Jashtëm, Sergei Ryabkov.

    Kjo marrëveshje, që skadon në shkurt të vitit të ardhshëm, përcakton që secili shtet mund të ketë deri në 1,550 koka bërthamore me rreze të gjatë.

    Si Billingslea ashtu edhe Ryabkov, kanë qenë të rezervuar në deklaratat e tyre, teksa kanë nisur bisedimet në Vjenë.

    “Do ta shohim”, ka thënë Billingslea, kur është pyetur se çfarë pret të ndodhë në bisedime.

    Ryabkov po ashtu u ka thënë gazetarëve: “Do ta shohim, do ta shohim. Ne kemi gjithmonë shpresë”.

    Më 20 qershor, Ryabkov i ka thënë agjencisë së lajmeve, Interfax se Rusia nuk ka më argumente për zgjatje të marrëveshjes, mirëpo megjithatë do ta ngrisë këtë si ide.

    “Ne vazhdimisht ua kemi përsëritur amerikanëve pse mendojmë se është i mirë vendimi për zgjatje të traktatit”, ka thënë ai.

    “Ne nuk kemi më argumente përveç atyre që u kemi treguar. Natyrisht, ne do ta shfrytëzojmë mundësinë për t’ua kujtuar pozicionin tonë”.

    Megjithatë, Moska ka paralajmëruar vazhdimisht për rrezikun e nisjes së garës së re të armëve, nëse traktati nuk vazhdohet.

    Presidenti amerikan, Donald Trump është larguar apo ka lënë që t’iu skadojë mandati një vargu marrëveshjesh, duke përfshirë Traktatin për Armë Bërthamore me Rreze të Mesme, dhe marrëveshjen bërthamore me Iranin.

    Shtetet e Bashkuara kanë thënë se marrëveshjet me Rusinë për kontrollin e armëve i përkasin të kaluarës dhe se Kina duhet të përfshihet në marrëveshjet eventuale të së ardhmes, sa u përket çështjeve bërthamore.

    Ambasadori suedez qëndron në Devolli Corporation, viziton njësinë Prince Caffe
    Nga Rubrika
    Bota/Rajoni17 Qershor 2024
    Mungesa e ligjeve për monedhat dixhitale e ka ngadalësuar përhapjen e tyre në Shtetet e Bashkuara. Zëri i Amerikës, Deana Mitchell, raporton...
    Bota/Rajoni17 Qershor 2024
    Prezantohet në panairin ndërkombëtar EUROSATORY që po mbahet në Paris, prototipi i parë i makinës ushtarake shqiptare “Shota”. Shqipëria merr pjesë për...
    Bota/Rajoni17 Qershor 2024
    Presidenti rus Vladimir Putin do të vizitojë Korenë e Veriut këtë javë për herë të parë në 24-vjet, thanë të dy vendet,...
    Të tjera
    Lajme18 Qershor 2024
    Lordi George Robertson, ish-Sekretar i Përgjithshëm i NATO-s, nuk e përjashtoi mundësinë e përshkallëzimit të situatës në Ballkanin Perëndimor, kur solli në...
    Lajme18 Qershor 2024
    Sekretari i Përgjithshëm i NATO-s, Jens Stoltenberg, tha se Kina po i ofronte Rusisë teknologji që po zgjat pushtimin rus të Ukrainës...
    Lajme18 Qershor 2024
    Udhëheqësit e Bashkimit Evropian përfunduan pa marrëveshje një diskutim të hënën se kush duhet të marrë postet kryesore të bllokut evropian për...
    Lajme18 Qershor 2024
    Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës (OVL-UÇK), Faton Klinaku, për FrontOnline thotë...
    Lajme18 Qershor 2024
    Komisioni për Mjedis, Ushqim, Bujqësi, Planifikim dhe Zhvillim do të mblidhet sot.Ky komision pritet që sot ta bëjë shqyrtimin e Projektligjit për...
    Lajme18 Qershor 2024
    Mësimdhënësit, përveç arsimimit të nxënësve, kanë përgjegjësi edhe t’i edukojnë ata. Këtë, arsimtarët e realizojnë në orët e kujdestarisë, për të cilat...

    FrontOnline, © 2024 Të gjitha të drejtat e rezervuara.