Bota/Rajoni

Në Preshevë reduktohet puna e administratës pas shpalljes së gjendjes së jashtëzakonshme

Në Preshevë reduktohet puna e administratës pas shpalljes së gjendjes së jashtëzakonshme
14:13 | 21 Korrik 2020

Komuna e Preshevës ka reduktuar orarin e punës në administratë, ndërsa me orar të shkurtuar do të kryhet edhe puna me palë. Punëtorët e administratës do të qëndrojnë në punë prej orës tetë deri në ora 14:00 kurse puna me palë bëhet prej orës 10:00 deri në ora 13:00.

“Orari i shkurtuar vjen pasi që gjendemi në situatë të jashtëzakonshme”, ka njoftuar Komuna e Preshevës të martën.

Të hënën është shpallur gjendja e jashtëzakonshme epidemiologjike në Preshevë. Gjendja e jashtëzakonshme parasheh disa masa, ndër të tjera kufizimin e punës së restoranteve dhe objekteve tjera të hotelerisë nga ora 20:00 deri në ora pesë të mëngjesit.

Ka pasur rritje të numrit të rasteve me COVID-19 së fundi në Preshevë. Raportohet se në ambulantë çdo ditë paraqiten rreth 15 persona me simptoma të koronavirusit.

Petrol Company sërish troket në dyert e Shtëpisë së Pleqve për Ramazan

Të tjera