Të gjithë e dimë ndjenjën kur nuk mund të përqendrohemi, kur na vjen gjumi edhe pse kemi pirë kafe… Kjo do të thotë se trupi ynë ka nevojë për një përforcues shumë më të fortë energjie!

Në këtë rast, harrojeni kafen, por hidhuni në dyqan për dozën tuaj ditore të shëndetit dhe energjisë. Bëni një smoothie që është i pasur me vitamina, minerale dhe fibra.

Përbërësit: 1 filxhan spinaq të freskët, 1 filxhan çaj jeshil i ftohur, 1 banane, lëngu i dy portokalleve më të vegjël, lugë çaji fara chia, mjaltë dhe kanellë sipas dëshirës.

Përgatitja: Hidhini të gjithë përbërësit në një blender dhe përziejini derisa të përftoni një masë kompakte. Nëse është shumë e trashë, shtoni pak ujë.

Spinaqi është një burim i mirë energjie, përmban hekur, kalium dhe magnez, portokallet, përveç vitaminës C dhe fibrave dietike, janë burim i mirë i folateve, vitaminave A dhe B1 dhe B5, të nevojshme për formimin e qelizave të gjakut dhe shndërrimin e ushqim në energji.

Portokallet gjithashtu përmbajnë mineralet thelbësore kalium, bakër dhe kalcium. Një banane e mesme siguron 25 përqind të sasisë së rekomanduar ditore të vitaminës B6, 14 përqind të vitaminës C, 14 përqind të manganit, 11 përqind të fibrave, 10 përqind të bakrit dhe biotinës dhe 9 për qind të kaliumit./FrontOnline/