Ka ndërruar jetë Vahide Thaçi, gruaja e heroit Mehmet Thaçit dhe nëna e heroit tjetër të luftës së fundit, Muharrem Thaçi nga fshati Llapushnik i Drenasit.
Lajmi është bërë i ditur nga kryetari i Drenasit, Ramiz Lladrovci.Ai ka ngushëlluar familjen Thaçi, duke thënë se Nëna Vahide, ishte nënë heroinë, sepse, humbja e bashkëshortit dhe djalit të saj, nuk e ka përkulur, madje, familjes së saj të ngushtë e të gjerë, iu bë burim frymëzimi për të ecur përpara.
“Vuajtjet e saj, mbesin në kujtesën e të gjithë neve që e kemi njohur dhe dëgjuar për vuajtjet e saj, njëherësh krenar për motivimin e saj për ngritjen e jetës në liri”, ka shkruar ndër të tjera Lladrovci.
Shkrimi i plotë i kryetarit të Drenasit:
Me dhimbje të madhe, mora lajmin se u nda nga kjo jetë, nëna Vahide, bashkëshorte e martirit Mehmet Thaçi dhe nënë e dëshmorit Muharrem Thaçi nga Llapushniku.
Nëna Vahide, ishte nënë heroinë, sepse, humbja e bashkëshortit dhe djalit të saj, nuk e ka përkulur, madje, familjes së saj të ngushtë e të gjerë, iu bë burim frymëzimi për të ecur përpara.Vuajtjet e saj, mbesin në kujtesën e të gjithë neve që e kemi njohur dhe dëgjuar për vuajtjet e saj, njëherësh krenar për motivimin e saj për ngritjen e jetës në liri.Shpreh ngushëllimet e mia më të sinqerta për familjen, miqtë dhe dashamirët e familjes së nderuar Thaçi. Mbahuni të fortë!
