Drejtori i RTV Dukagjinit Ermal Panduri i shoqëruar nga analisti Imer Mushkolaj po ndjekin nga afër zhvillimet në SHBA.

Mushkolaj në një lidhje direkte për “Debat Plus” ka thënë se pala kosovare është optimiste por që këtë optimizëm po ngurron ta shprehë, por sipas tij nuk po ndodh e njëjta gjë edhe me palën serbe.

“Është një taktikë e njohur e palës serbe duke paraqitur veten në një pozicion të sulmuar apo pesimistë. Këtë e bënë edhe në SHBA, njëlloj viktimizimi se gjoja po na kërkohet njohja e Kosovës. Por pala serbë është e bindur se nesër Presidentit Trump do të jetë pjesë e bisedimeve por që varet nga rezultatet e ditës së sotme”, tha ai.

“Në bazë të burimeve thuhet se gjërat kanë shkuar mirë por realisht nuk dihet se cilat janë temat e vërteta për të cilat është diskutuar”.

Analisti thotë se pavarësisht se po thuhet që temat janë ekonomike sipas tij gjithçka mes Kosovës dhe Serbisë është politike.

“Mbetet të shihet se çfarë do të humb njëra apo tjetra palë. Deri më tani palët kanë qenë të rezervuara në deklarime”, deklaroi Mushkolaj.