Fordi ka zbuluar modelin e vitit 2021 të quajtur F-150, dhe ky model i ri i pick-upit të popullarizuar të Fordit do të jetë përplot me teknologji të re kur të del në treg vitin e ardhshëm.

Modeli i ri F-150 do të ketë funksionin e vozitjes pa duar, do të mund të merr përditësime të softuerit nga ajri dhe do të vjen më Apple CarPlay dhe Android Auto që janë me wireless. Kjo kompani gjithashtu do të shesë versionin hibrid të F-150 i cili mund të udhëtojë rreth 1,125 km me rezervuar të plotë, shkruan The Verge.

Funksioni i vozitjes pa duar, të cilin Ford e quan “Active Drive Assist”, do ta bëjë Fordin njërin nga pak vetura në SHBA të cilat e kanë këtë karakteristikë, se bashku me SUV-të e Cadillacut dhe atyre të General Motors. Active Drive Assist do të mund të përdoret vetëm në disa auto rrugë të caktuara në SHBA të cilat i ka hartuar Fordi, dhe përdoruesit duhet të blejnë një hardware të caktuar për të përdorur këtë funksion, i cili përfshinë një sistem monitorues të vozitjes i cili përdorë një kamerë infra të kuqe për të siguruar se vozitësi është duke e vështruar rrugën, transmeton KOHA.

Fordi është duke punuar në prodhimin e versionit komplet elektrik të F-150 i cili do të prodhohet në vitin 2022, por ndërkohë, do të ofron versionin hibrid të veturës, duke shkuar pas hapave të General Motors dhe Fiat Chryslerit.