Ministrja e Punëve të Jashtme, Donika Gërvalla-Schwarz, deri më tani nuk e ka komentuar marrëveshjen e Ohrit, mes Kosovës dhe Serbisë. Bile, ajo ka shkuar sa më larg Ohrit, në Lisbonë, ku po zhvillon disa aktivitete të ndryshme.

Ajo sot njoftoi se është takuar me Kryetarin e Kuvendit të Republikës së Portugalisë, thotë se kanë diskutuar rreth forcimit të marrëdhënieve mes Kosovës dhe Portugalisë, dhe të tjera.

‘’Takim produktiv me Kryetarin e Kuvendit të Republikës së Portugalisë, Augusto Santos Silva. Ne diskutuam për zhvillimet rajonale, perspektivën Euroatlantike të Kosovës dhe forcimit të marrëdhënieve mes shteteve tona. Mirënjohëse për mbështëtjen e Portugalisë ndaj Kosovës.’’– u shpreh Gërvalla-Schwarz në një postim në rrjetin social ‘’Twitter’’.

Augusto Ernesto dos Santos Silva është kryetar i Kuvendit (Asamblesë) së Portugalisë prej vitit të kaluar.