Në kuadër të masave lehtësuese ndaj pandemisë COVID-19, ministri i Infrastrukturës, Arban Abrashi ka marr vendim për t’i liruar nga tarifa administrative operatorët e trasnportit rrugor të udhëtarëve me autobus.
Ky vendim përfshin periudhën tre vjeçare, 2020 deri në vitin 2023, që operatorët i liron nga pagesa e rendeve të udhëtimit, duke ua lehtësuar problemet financiare që u janë shkaktuar nga pandemia.
Gjithashtu transportuesit janë liruar nga tarifa tjera administrative, si masa lehtësuese.
Abrashi tha se ky vendim ka për qëllim mbështetjen e bizneseve, konkretisht sektorit të transportit rrugor.
I pari i Infrastrukturës në Kosovë shtoi se ky vendim ruan shumë vende pune që janë rrezikuar si rezultat i humbjeve të mëdha që kanë pasur këta operator nga pandemia.
“Me këtë vendim po ruajmë shumë vende pune dhe po shpëtojmë bizneset nga falimentimi. Bizneset do të vazhdojmë t’i mbështesim në këtë kohë që po përballen me probleme financiare”.
