Shkelje të shumta ka evidentuar zyra Kombëtare e Auditorit gjatë auditimit të pasqyrave financiare për vitin 2019 për Ministrinë e Drejtësisë.

Sipas auditorit, Shërbimi Korrektues i Kosovës kishte nënshkruar kontratë publike kornizë me 19.07.2016 për ‘’Shërbime veterinere për fermën e bagëtive në Qendrën Korrektuese Dubravë’’ në kohëzgjatje prej 36 muaj.

Por, auditori ka vërejtur se ShKK kishte marrë shërbime nga kjo kontratë edhe dy muaj pas përfundimit të kontratës, raporton “Front Online”.

“Vlera e shërbimeve pas skadimit të kontratës ishte 958€. Sipas zyrtarëve të ShKK-së kjo kishte ndodhur për shkak se gjendja e bagëtive ishte e keqe, nevojat për shërbime veterinere ishin urgjente dhe për këtë arsye kishin kërkuar shërbime nga operatori i njëjtë. Ndikimi Pagesat e bëra pas përfundimit të kontratës ndikojnë që organizata buxhetore të hyjë në obligime financiare të pa planifikuara dhe rrjedhimisht të shfaqet nevoja për rialokim të buxhetit të ministrisë nga kategoritë tjera ekonomike. Ministri dhe drejtori i ShKK-së duhet të sigurojnë respektimin e kohëzgjatjes së kontratës kornizë, me qëllim që mos të kryhen shërbime mbi bazën e kontratave të skaduara” thuhet në raportin e auditorit, raporton “Front Online”.