×
  • Lajme
  • Lajme

    Ministri Zemaj viziton Istogun

    FrontOnline
    26 Qershor 2020

    Ministri i Shëndetësisë Armend Zemaj vizitoi sot Komunën e Istogut ku u prit nga kryetari i kësaj komune Haki Rugova.

    Gjatë kësaj vizite, Ministri Zemaj me kryetarin Rugova kanë biseduar për menaxhimin e pandemisë Covid-19 në këtë komunë, me ç’rast Ministri Zemaj ka falënderuar autoritetet lokale dhe
    profesionistët shëndetësor të kësaj komune për përkushtimin e treguar gjatë kësaj kohe.

    Ai ka thënë se MSh është duke fuqizuar aktivitetet e saj si në aspektin e shtimit të kuadrit mjekësor, ashtu edhe të masave mbikëqyrëse për zbatimin e Manualit për mbrojtje nga përhapja e Covid-19, të miratuar nga Ministria.

    Ministri Zemaj tha se MSh do të jetë afër komunave duke siguruar mbështetje për Kujdesin Parësor Shëndetësor, duke e ditur rëndësinë e këtij niveli që është porta e parë e luftimit të sëmundjeve.

    Ai kërkoi që institucionet dhe qytetarët e Komunës së Istogut ta zbatojnë manualin dhe masat në fuqi në funksion të ruajtjes së shëndetit publik.

    Kryetari i Istogut, z. Haki Rugova ka falënderuar ministrin për vizitën dhe bashkëpunim dhe e ka njoftuar atë me nevojat e Kujdesit Parësor Shëndetësor në këtë komunë.

    Ai ka thënë se qendra operative e emergjencës në këtë komunë ka menaxhuar në bashkëpunim me institucionet qendrore situatën rreth Covid-19 në këtë komunë.

    Gjatë vizitës në Istog, Ministri Zemaj mori pjesë edhe në përurimin e shërbimit të maternitetit në Qendrën Kryesore të Mjekësisë Familjar , financuar nga fondet e Qeverisë së Republikës së Turqisë ku theksoi bashkëpunimin e mirë me partnerët në funksion të furnizimit të shërbimeve shëndetësore për nënat dhe fëmijët në Kosovë. Ai falënderoi Turqinë për mbështetjen e dhënë sistemit shëndetësor të Kosovës dhe asistencën konkrete gjatë pandemisë.

    Ambasadori i Republikës së Turqisë në Kosovë Çağrı Sakar, tha se ky donacion nga populli i Turqisë për qytetarët e komunës së Istogut shërben për të rritur kujdesin shëndetësor, sidomos për nënat dhe fëmijët dhe se ky shtet do të mbetet i angazhuar që ta ndihmojë popullin mik të Kosovës./Front Online

    NimiTV, dhurata ideale e fundvitit
    Nga Rubrika
    Lajme15 Prill 2024
    Sot përfundon afati për aplikim për akreditimin e vëzhguesve të subjekteve politike të kryetarëve aktual, OJQ-ve vendore/ndërkombëtare dhe mediave. Këtë e konfirmoi...
    Lajme15 Prill 2024
    Kryetari i Aleancës për Ardhmërinë e Kosovës (AAK), Ramush Haradinaj, ka kujtuar vëllezërit Shkelzenin dhe Enverin në përvjetorin e përjetësimit. Haradinaj ka...
    Lajme15 Prill 2024
    Në shënim të Ditës së të mbijetuarve të dhunës seksuale gjatë luftës së fundit në Kosovë, ndërtesa e Qeverisë së Republikës së...
    Të tjera
    Lajme15 Prill 2024
    Në agun e 15 prillit 1999, forcat serbe ia mësynë Zhegocit me një arsenal të paparë ndonjëherë. Ishte ora 05:30 minuta kur...
    Lajme15 Prill 2024
    Sot do të vazhdojë procesi gjyqësor ndaj Pjetës Shalës në Gjykatën Speciale në Hagë. Kjo seancë pritet të zhvillohet me fillim nga...
    Lajme15 Prill 2024
    859 persona janë arrestuar nga policia  për përdorimin ose shitjen e narkotikëve gjatë vitit 2023. Prej tyre të mitur nga 14 deri...
    Lajme15 Prill 2024
    Instituti Hidrometerologjik i Kosovës ka bërë të ditur se gjatë ditës së sotme do të ketë mot kryesisht me diell. Sipas njoftimit...
    Bota/Rajoni14 Prill 2024
    Zyrtarët turq, jordanezë dhe irakianë kanë thënë sot se Irani paralajmëroi SHBA-në 72 orë përpara se të niste sulmin e tij masiv...
    Kronika14 Prill 2024
    Një person ka vdekur sonte në Spitalin Rajonal të Prizrenit, pasi derisa ishte duke peshkuar me gjenerator elektrik, në fshatin Romajë, ishte...

    FrontOnline, © 2024 Të gjitha të drejtat e rezervuara.