×
  • Bota/Rajoni
  • Bota/Rajoni

    Miliona fëmijë në punë në vend të shkollës

    FrontOnline
    15 Qershor 2020

    Përmasat globale të punësimit të të miturve mund të rriten përsëri pas rreth dy dekadash rënie për shkak të pasojave shkatërruese ekonomike të pandemisë Corona, paralajmëruan dy organizata të OKB-së me rastin e Ditës Ndërkombëtare Botërore kundër Punës së Fëmijëve.

    “Miliona fëmijë janë në rrezik të detyrohen përsëri të punojnë si rezultat i krizës”, thuhet në një deklaratë të UNICEF-it dhe të Organizatës Ndërkombëtare të Punës (ILO). “Kjo do të thotë që puna e fëmijëve do të shënojë për herë të parë rritje që nga viti 2000.”

    ILO dhe UNICEF theksuan se pandemia e Coronës po çon në rritjen e varfërisë dhe rënien e të ardhurave familjare. Rritja e punës së fëmijëve është konstatuar shpesh në situata të tensionuara ekonomike. Fëmijë që janë tashmë të punësuar do të duhet të punojnë më gjatë ose të bëjnë punë më të rrezikshme. ILO dhe UNICEF-i u kërkojnë qeverive të zgjerojnë programet e tyre për të mbrojtur fëmijët nga shfrytëzimi.

    Fund punës së fëmijëve deri në vitin 2025?

    Vlerësimet më të fundit të ILO-s lidhur me punësimin e fëmijëve botuar në vitin 2017 i referohen vitit 2016. Sipas tyre në të gjithë botën ishin të punësuar rreth 152 milion fëmijë midis moshës pesë dhe 17 vjeç. Kjo shifër është 94 milion më pak se në vitin 2000.

    Në atë kohë ILO-ja vlerësonte se në vitin 2020 numri i fëmijëve të punësuar do të binte në 121 milion. Qëllimi i Kombeve të Bashkuara është eliminimi i punës së fëmijëve deri në vitin 2025.

    Ndërsa raporti aktual i ILO-s supozon të kundërtën. Aty thuhet se tashmë ka shenja që puna e fëmijëve po rritet, ndërsa shkollat në të gjithë botën po mbyllen për të zvogëluar rrezikun e infeksionit me virusin e Coronës. Më shumë se 90 përqind e të gjithë nxënësve, pra 1.6 miliardë të rinj në të gjithë botën, janë prekur nga mbylljet e përkohshme të shkollave. Por shkollat i mbronin fëmijët edhe nga shfrytëzimi, dhe ky instrument kontrolli tani nuk vepron. “Edhe nëse shkollat hapen përsëri, disa prindër mund të mos jenë më në gjendje të lejojnë t’i dërgojnë fëmijët e tyre në shkollë”, thuhet në raport.

    Më pak se 1,90 dollarë në ditë

    Banka Botërore vlerëson se 40 deri në 60 milion vetë mund të bien në nivelin e varfërisë ekstreme këtë vit si rezultat i krizës së Coronës. Atyre do t’u duhet të jetojnë me më pak se 1,90 dollarë në ditë. Organizatat e OKB ende nuk mund të japin shifra konkrete, por u referohen studimeve të mëparshme, për shembull, në Bregun e Fildishtë, Afrikën e Jugut ose Brazili, ku puna e fëmijëve ka shënuar rritje të madhe pas rënies ekonomike.
    pp/ag

    Nga Rubrika
    Bota/Rajoni16 Mars 2025
    Ambasadori i Shqipërisë në Maqedoninë e Veriut, Denion Meidani, në një reagim për “Off the Record” me Andrea Dangllin në A2CNN, ka...
    Bota/Rajoni16 Mars 2025
    Alsati ka raportuar se në stacionin policor në Karposh në Shkup, në pyetje po merret ish-ministri i Ekonomisë, Kreshnik Bekteshi. Kjo sa...
    Bota/Rajoni16 Mars 2025
    Në orët e hershme të mëngjesit të 16 marsit, pas një zjarri të madh në një diskotekë në Koçan mbetën të vdekur...
    Të tjera
    Lajme17 Mars 2025
    Presidentja Vjosa Osmani e priti sot në takim të dërguarin e posaçëm të Bashkimit Europian për dialogun Kosovë-Serbi, Peter Sørensen. Në takim...
    Lajme17 Mars 2025
    Deputetja e AAK-së, Time Kadrijaj, për FrontOnline ka kritikuar ashpër kontratat lobuese që janë nënshkruar nga Qeveria e Kosovës, duke theksuar se...
    Lajme17 Mars 2025
    Ish-ambasadori, Gjergj Dedaj, për FrontOnline ka kritikuar ashpër politikat e jashtme të Qeverisë së Kosovës, duke thënë se pas pesë vitesh të...
    Lajme17 Mars 2025
    Ish kryeministri i Kosovës, Isa Mustafa, i ka shprehur ngushëllime Presidentit Hashim Thaçi për vdekjen e babait të tij, Haxhi Thaçi. “Ngushëllimet...
    Lajme17 Mars 2025
    Presidentja Vjosa  Osmani ka shkruar pas takimit të sotëm që ka pasur me Përfaqësuesin e Posaçëm të BE-së, Peter Sørensen, raporton FrontOnline....
    Lajme17 Mars 2025
    Babai i ish presidentit Hashim Thaçi, Haxhi Thaçi, do të varroset më 18 mars në orën 15:00. Kështu kanë konfirmuar nga familja...
    -->

    FrontOnline, © 2025 Të gjitha të drejtat e rezervuara.