Sport

Messi humbet një tjetër ndeshje me PSG-në

Messi humbet një tjetër ndeshje me PSG-në
18:22 | 14 Janar 2022

Lionel Messi do të mungojë në një tjetër ndeshje për Paris Saint-Germain pasi shërimi i tij nga Covid-19 ka shkuar më ngadalë sesa që është pritur.

Ylli argjentinas nuk do të jetë i gatshëm për ndeshjen e së shtunës ndaj Brest në Parkun e Princave, njoftoi sot trajneri i PSG-së, Mauricio Pochettino.

34-vjeçari mungoi në barazimin 1:1 ndaj Lyonit të dielën e kaluar kur Ligue 1 u rikthye nga pushimi dimëror.

Messi ishte infektuar me koronavirus gjatë qëndrimit të tij ne Argjentinë.

Messi deklaroi në rrjetet sociale të enjten se i ka marrë më shumë kohë sesa pritej për t’u përmirësuar por ai është pothuajse gati me mezi po pret rikthimin në fushë.

Pochettino tha se Messi mbetet nën mbikëqyrjen e stafit mjekësor të ekipit. Klubi tha të premten se Messi “do t’i bashkohet gradualisht skuadrës javën e ardhshme”.

Kush ështe kosovari THE VICTOR që synon tregun e jashtëm? (video)

Të tjera