Mikrobiologu Lul Raka, ka thënë se shifrat e sotshme të Covid-19 tregojnë se ai është rikthyer fuqishëm.

“Shpërndarja në pjesën më të madhe në shumë komuna të Kosovës në të cilat ditëve të fundit nuk ka pasë raste të reja me Covid-19, tregon se ne duhet të vetëdijesohemi më shumë. Na bënë të qartë të gjithë atyre se virusi është akoma këtu, gjithë atyre që po konsiderojnë se kjo është lojë e iluminatit e Bill Gates e OBSH-shejtanit e të gjithë të tjerëve, ky e virus është realitet sa ma herët që ta kuptojmë”.

Lexo Edhe:
Çifti që nuk kishin planifikuar të bëhen prindër, tani i kanë 11 fëmijë, detyrohen të përdorin minibus për të shëtitur
“Mesazhi është i qartë të respektohen këshillat që i kemi përmendur për 3 muaj, të gjitha këto tashmë i dinë. Këto janë parime të thjeshta që duhet të zbatohen nga secili qytetar i Kosovës”.

“Ne duhet të mësojmë nga gabimet duhet të respektojmë rekomandimet. Kjo shifër e sotit e ka kaluar 79-shin e para dy muajve, lehtësimi i masave është kuptuar se ka përfunduar virusi, ai nuk ka përfunduar kujdesi duhet të vazhdojë pasi nuk ka ilaq as dhe vaksinë, derisa të gjenden këto duhet të jemi të kujdesshëm”, ka thënë Raka në Edicionin Special të Klan Kosovës.