Çmimet e derivateve në Kosovë po vazhdojnë të jenë të larta edhe pse në bursat ndërkombëtare ka rënie të theksuar në javën e fundit.

Në Shqipëri është liruar çmimi i naftës të enjten.

Për tri lekë (2.5 centë) më lirë do të shitet litri i naftës në pikat e karburantit nga dita e enjten.

Bordi i Transparencës ka publikuar çmimet e reja që do të hyjnë në fuqi nga ora 18:00.

Nafta do të shitet nga 261 lekë për litër (2.19 euro) në 258 lekë për litër (2.16 euro).

Gazi ndërkohë 83 lekë për litër (70 centë).

“Çmimet e miratuara janë çmime tavan/maksimal dhe asnjë operator ekonomik nuk mund t’i tregtojë këto nënprodukte mbi çmimet tavan të Vendimit të Bordit. Çdo operator ekonomik me shumicë dhe pakicë, është i lirë t’i tregtojë këto nënprodukte me çmime më të ulëta se çmimet tavan/maksimale të miratuara në Bord”, thuhet në njoftimin e Bordit.

Këtë javë çmimi i naftës ka arritur deri në 1.90 euro, që shënon njëherësh edhe çmimin më të lartë ndonjëherë të këtij karburanti në vend, ndërkohë që çmimi i një litre benzinë është tregtuar mbi 1.85 euro.

Përfaqësuesi i Shoqatës së Naftëtarëve të Kosovës, Fadil Bejrani, ka thënë se ende nuk janë mbledhur si shoqatë për ta diskutuar këtë çështje.