Qeveria franceze e pakicës së Michel Barbier është rrëzuar mbrëmjen e sotme, pas një mocioni votëbesimi në Parlament.

Sipas mediave të huaja, kjo është qeveria e parë që u rrëzua në një mënyrë të tillë që nga viti 1962 dhe qeveria më jetëshkurtër e Republikës së Pestë të Francës.

Një total prej 331 deputetësh votuan në favor të mocionit të paraqitur nga aleanca e majtë NFP për rrëzimin e qeverisë, pra shumë vota më tepër se 288 të nevojshme për ta realizuar këtë.

Barnier, një konservator veteran që ka mbajtur postin e kryeministrit për gati tre muaj, tani është i detyruar t’i paraqesë dorëheqjen e tij dhe të qeverisë së tij presidentit Emmanuel Macron.

Rezultati thellon krizën politike të Francës dhe shënon një goditje të rëndësishme për Bashkimin Evropian, në një kohë kur Gjermania është gjithashtu e zhytur në një fushatë zgjedhore parlamentare deri në shkurt dhe disa javë përpara se Donald Trump të kthehet në Shtëpinë e Bardhë.