Lajmi i fundit

Lajme

Lajçaku mbërrin në Kosovë, thotë se dialogu në Bruksel është i rëndësishëm

Lajçaku mbërrin në Kosovë, thotë se dialogu në Bruksel është i rëndësishëm
14:30 | 16 Qershor 2020

I dërguari i posaçëm i Bashkimit Evropian për dialogun Kosovë Serbi, Miroslav Lajçak, ka arritur në Prishtinë.

I pyetur nga KOHA nëse ka ardhur në Kosovë me datat e takimeve për rinisjen e dialogut në Bruksel, Lajçak ka thënë se “i kam datat, por nuk mund t’i bëjë publike tani sepse duhet të koordinohem me partnerët dhe se nuk kemi kohë për të humbur”.

Lajçak gjatë ditës pritet të takohet me presidentin Hashim Thaçi, kryeparlamentaren Vjosa Osmani dhe kryeministrin Avdullah Hoti.

Lajçak po ashtu ka deklaruar se dialogu në Bruksel është i rëndësishëm ngase e ardhmja e Kosovës është në BE.

Ai po ashtu ka thënë se është në dijeni për takimin në Washington më 27 qershor, porse sipas tij, më e rëndësishme për të është fillimi i dialogut ngase e ardhmja e Kosovës është evropiane.

Nga 10 janari fillojnë reduktimet, këto vende do të mbesin pa rrymë deri në 7 orë
Shpërndaje në Facebook

Nga Rubrika

Të tjera