Kryeministri në detyrë i Kosovës, Albin Kurti në një konferencë për media tha se situata aktuale njëmend që nuk lejon mbajtjen e zgjedhjeve, por pas pandemisë, standardi i dyfishtë po tentohet të bëhet përmes rrugëve jokushtetuese, raporton Front Online.
“Nuk ka asgjë legjitime në deklarimet e Presidentit. Duke u munduar të na rrëzojë neve, ai po e rrëzon vetën, atë pakthyeshëm. Nuk ka rëndësi asgjë për mua përveç tejkalimit të kësaj pandemie”, tha ai.
Ai tha se presidentit me 6 tetor i ka dalur zogu nga dora.
“Me datën 6 tetor ka ndodhur, ndryshimi i madh ka dalur zogu nga lëvozhga dhe nuk kthehet më. Presidentit të Republikës i kanë mbetur edhe disa muaj mandat, dhe po dëshiron ta kapë trenin e fundit. Por, i ka ikur edhe treni i fundit. S’ka më trena për presidentin”, tha ai. /Front Online/
