Kryeministri në detyrë i Kosovës, Albin Kurti, ka komentuar vendimin e Gjykatës Kushtetuese e cila i jep të drejtë presidentit, Hashim Thaçi, për të nominuar Avdullah Hotin për kryeministër.

‘’Kemi marrë një njoftim mbi aktgjykimin e Gjykatës. Kam shprehur qëndrimin tim publikisht. Do të presim aktgykimin e plotë dhe do të analizojmë në tërësi me këshilltarët tonë ligjorë. Pastaj do të vendosim për hapat e mëtutjeshëm. Për hapa nuk do të vendosë unë si individid, por në Këshillin e Përgjithsëm të partisë do të konsultohemi për marrjen e hapave të mëtutjeshëm”, ka thënë ai.

Ndërkohë për mungesën e minsitrave në detyrë të LDK’së në mbledhje të Qeverisë Kurti është shprehur kështu.

“Për besë s’e di pse s’kanë ardhë. Mendoj që është dashur të jenë, ata janë ministra në detyrë, nuk besoj se s’duhet të përgjigjem unë për ta”, tha Kurti.