Frank Schwabe, kryetar i delegacionit gjerman në Këshillin e Evropës, ka folur për gjasat e Kosovës për t’u anëtarësuar në këtë organizatë të njohur evropiane.
Në një deklaratë për DW Schwabe është dukur më i rezervuar në parashikime. Sipas tij, shanset për këtë anëtarësim janë 50/50.
“Nga këndvështrimi i sotëm, shanset janë 50/50 për qind. Hapi domethënës që arritëm me shumicën në Asamblenë Parlamentare sigurisht që ka lënë përshtypje tek qeveritë, ministrat dhe komisionet. Por ka ende shumë për të bërë”, tha politikani socialdemokrat.
Ndërkaq, Kryeministri i Kosovës, Albin Kurti gjatë ditës së sotme tha se është optimist edhe për mbledhjen e Këshillit të Ministrave të Këshillit të Evropës (KiE) për anëtarësimin e Kosovës në KiE.
