Disa qytetarë nga Krusha e Madhe kanë protestuar para Gjykatës Themelore në Prizren ku pritet të merret vendimi për serbin Darko Tasiq që dyshohet për krime lufte.
Ata po thonë se ai është njëri nga kriminelët e luftës përgjegjës për vrasjen, djegien dhe hedhjen në lumin Drini i Bardhë të familjarëve të tyre, njofton Klan Kosova.
Protestuesit po mbajnë fotografitë e të dashurve të tyre që i humbën në luftë.
Protesta është thirrur nga Selami Hoti, kryetar i Këshillit të fshatit Krushë e Madhe, i cili iu është lutur atyre që të protestojnë duke mbajtur distancën dhe maskat.
