×
  • Lajme
  • Lajme

    Krasniqi: Sapo VV’ja ta sjellë në seancë mocionin kundër Qeverisë, i ka votat e PDK’së

    FrontOnline
    24 Shtator 2020

    Vetëvendosja do t’i ketë votat e PDK-së për rrëzimin e qeverisë, sapo ta sjellë zyrtarisht në Kuvend mocionin, thotë deputeti i Partisë Demokratike të Kosovës, Memli Krasniqi.

    “Ne nuk e kemi votuar Albin Kurtin për kryeministër dhe kur ka ardhur një propozim për ta hequr prej kryeministrit, e kemi votuar. Nuk e kemi votuar Avdullah Hotin dhe ditën që do të vijë një mocion për ta hequr, ne e votojmë. Duhet të vijë mocioni zyrtarisht në rend dite në Kuvend”, ka thënë ai në KTV.

    Krasniqi thotë se nuk kanë biseduar me VV-në për mocionin, përveç diskutimeve publike dhe kërkesës së tyre që çdo deputet ta votojë.

    “Jo nuk kemi biseduar, sepse VV e ka nisë një mocion në mungesë të temave, mbetën pa tema dhe e nxorrën një temë krejtësisht legjitime prej një partie opozitare, por nuk bëhet ajo punë ashtu. Dolën në një konferencë dhe thanë se mirë është me e nënshkru edhe deputetët tjerë, PDK-ja para se gjithash. Pastaj kishte deklarime prej zyrtarëve të tyre, ne e kemi bë mocionin me testu PDK-në”, tha ai.

    “Prej ditës së parë e kemi deklaruar këtë punë. E kemi përsëritur dhe ripërsëritur”, ka thënë ai. Por, si ka vazhduar, nga PDK-ja nuk mund të pritet që ta kryejë “punën e Vetëvendosjes, duke u bërë pjesë e planeve të tyre”.

    Siç ka thënë ai, fjala është për plane “për të cilat as që janë konsultuar”.

    Ai ka mohuar të ishin bërë pjesë e LDK-së, kur u rrëzua Qeveria Kurti.

    “Nuk është ashtu, sepse LDK-ja nuk ka komunikuar me neve. 40 nënshkrime duhen për ta zyrtarizuar mocionin. Dhe brenda dy ditëve vendoset në votim. Jo më shpejt se dy dhe jo më vonë se pesë. Dhe këtë e dijnë, ua kemi thënë edhe në seancë. E kemi deklaruar secili prej nesh”, ka thënë ai.

    Siç ka thënë Krasniqi, Qeveria nuk mund të rrëzohet vetëm nga VV-ja dhe PDK-ja.

    “As edhe me dy votat që Vjosa Osmani dhe ai deputeti tjetër i LDK-së që kanë qenë kundër Avdullah Hotin. Dhe meqë po e duan flamurin dhe bajrakun, është në rregull. Por vetëm le ta çojnë punën në fund. Votat e PDK-së, në ditën që zyrtarizohet mocioni, pra që në kuptimin ligjor janë 40 nënshkrime që e vendosin në seancë të re, të jashtëzakonshme, absolutisht i ka, të plota, 24, pa asnjë minus”, ka thënë ai.

    Zgjerimi i Comoditës në SHBA: “Nap Queen Sleep”, krenaria e shqiptarëve
    Nga Rubrika
    Lajme29 Shkurt 2024
    Për të premten parashikohet të mbajë mot me vranësira të shpeshta dhe intervale me diell, ku priten edhe reshje lokale shiu, të...
    Lajme29 Shkurt 2024
    Kryeministri i Kosovës, Albin Kurti ka treguar arsyen se pse nuk mori pjesë në samitin për Ukrainën që u mbajt në Tiranë....
    Lajme29 Shkurt 2024
    Kryeministri i Maqedonisë së Veriut, Talat Xhaferi, deklaroi se imazhi i Kosovës në sytë e ndërkombëtarëve nuk është në të njëjtat nivele...
    Të tjera
    Lajme29 Shkurt 2024
    Në emisionin “Pressing” të T7 janë të ftuar dy deputetë të Partisë Demokratike të Kosovës (PDK), Bekim Haxhiu dhe Ariana Musliu-Shoshi, përballë...
    Lajme29 Shkurt 2024
    Mbrëmjen e së enjtes, në Vushtrri një shtëpi është kapluar nga zjarri derisa janë raportuar vetëm dëme  materiale. Zëdhënësi i Policisë së...
    Bota/Rajoni29 Shkurt 2024
    Aleatët politikë të presidentit turk, Rexhep Tajip Erdogan duan të rimarrin kontrollin e Stambollit në zgjedhjet lokale të marsit. Mediat e pavarura...
    Lajme29 Shkurt 2024
    Gjykata Themelore në Prizren ua ka vazhduar masën e paraburgimit edhe për nga dy muaj katër të dyshuarve për grabitjen në Suharekë,...
    Lajme29 Shkurt 2024
    Deputeti i PDK-së, Bekim Haxhiu, tha se në shëndetësi nuk ka zhvillim nga Qeveria Kurti, por sipas tij ka vetëm degradim. Sipas...
    Sport29 Shkurt 2024
    Edon Zhegrova po kalon një sezon të karrierës te Lille në elitën e futbollit francez. Ylli kosovar është prej futbollistëve më të...

    FrontOnline, © 2024 Të gjitha të drejtat e rezervuara.