Kryetari i PDK-së, Memli Krasniqi e ka falenderuar kandidatin për kryetar të Prishtinës nga kjo parti , Urani Ismaili pas rezultatit të tij në zgjedhjet lokale,shkruan FrontOnline.
Përmes një postimi në llogarinë e tij në Facebook, Krasniqi ka lavdëruar punën e Ismailit për Prishtinën.
“Ai është fituesi i zemrave dhe respektit të qytetarëve të Prishtinës, duke u bërë model për të ardhmen që ne do ta ndërtojmë, sepse vërtetë Urani na dëshmoi se Prishtina na bashkon”, ka shkruar ndër të tjera Krasniqi.
Postimi i tij i plotë:
Urna Ismaili gjithmonë e ka dashur me zemër Prishtinën. Në këto zgjedhje ai i dha kryeqytetit zemër dhe dashni, duke frymëzuar mijëra qytetarë, për ta parë Prishtinën jo vetëm si komunë, por si shtëpi, si mundësi e si të ardhme.
Me vullnetin e tij të madh, ai ka rrezatuar lidhjen që i duhet qytetit me politikën, ku që të dyja janë në funksion të qytetarit. Ai është fituesi i zemrave dhe respektit të qytetarëve të Prishtinës, duke u bërë model për të ardhmen që ne do ta ndërtojmë, sepse vërtetë Urani na dëshmoi se Prishtina na bashkon.
Falemnderit Uran që i dhe shpirt e ngjyra qytetit tonë!