Zyra Kombëtare e Aludimit ka gjetur se komuna e Istogut e cila drejtohet nga Haki Rugova ka shpërblyer me tender kompaninë më çmimin më të lartë, raporton Front Online.
Më tutje në raport thuhet se për kontratën Loti I ”Ndërtimi i rrugës Hul Huli- Istog i Poshtëm” së bashku me Aneks kontratën, ne kemi krahasuar ofertën fituese me ofertat e Operatorëve të tjerë të vlerësuar si të përgjegjshëm gjatë procesit të prokurimit. Ne kemi vërejtur se në implementimin e kontratës OE fitues ishte më i shtrenjtë se sa ofertuesi tjetër i pa suksesshëm për 3,592€.
Gjithashtu në kontratën tjetër Loti III “Asfaltimi i rrugës në lagjen Dekaj-Istog i Poshtëm” në implementim kontratës OE fitues ishte më i shtrenjtë se sa ofertuesi tjetër i pasuksesshëm për 2,302€. Komuna posedonte projektin ekzekutiv dhe rrjedhimisht ka pasur të dhëna rreth sasive të kërkuara për realizimin e projektit. Mirëpo nuk ishte përcaktuar paramasen dhe parallogarinë për secilin artikull që do ta ndihmonte Autoritetin Kontraktues në përzgjedhjen e ofertës me çmimin më të ulët, parimit të ekonomizimit.
Ky aktivitet është publikuar me çmim për njësi me kërkesë të njësisë kërkuese me arsyetim që infrastruktura rrugore është interes i komunitetit dhe për arsye të shfrytëzimit të parasë publike. Kjo ka ndodhur për shkak të mos zbatim të procedurës të kritereve të përzgjedhjes së operatorëve ekonomik fitues, duke mos pasur parasysh peshën e artikujve në çmimin total” thuhet në raportin e ZKA-së, raporton Front Online. Sipas auditorit vlerësimi i dobët i nevojave ka rezultuar me kosto më të lartë të punëve dhe mos arritjes së vlerës për paranë e shpenzuar. “Kryetari i komunës duhet të siguroj se njësitë kërkuese në bashkëpunim me zyrën e prokurimit bëjnë një analizë të detajuar të vlerësimit të nevojave që të arrihet shfrytëzimi sa më ekonomik i fondeve publike” thuhet në raportin e ZKA-së, raporton Front Online.
