Ushtria kineze i ka prezantuar modelet më të reja të dronëve luftarakë. Një prej modeleve mund të lëshohet “rafall”, me disa copë brenda disa sekondave, të cilët mund të koordinohen në grup për ta shkatërruar cakun.

Arma e re, e quajtur “dron vetëvrasës” për shkak të shkatërrimit me rastin e shpërthimit, mund të lëshohet nga kamioni ushtarak ose nga helikopteri, duke e goditur cakun në mënyrë shumë të saktë, thuhet në një video të publikuar.

Sipas prodhuesit të armëve që kontrollohet nga shteti, kjo është hera e parë që Kina përdor grup të pajisjeve ajrore pa pilotë për të operuar si një njësi e vetme gjatë kryerjes së detyruave ushtarake, shkruan Daily Mail.