Këshilltari i Sigurisë Kombëtare në SHBA, Robert O’Brien, i është gëzuar lajmit për një takim të paralajmëruar në Shtëpinë e Bardhë më 27 qershor mes dy delegacioneve, të Kosovës dhe Serbisë.
“Jam i lumtur të pres liderët e Serbisë dhe Kosovës me Richard Grenellin në Shtëpinë e Bardhë. SHBA-ja i pret me padurim këto diskutime të rëndësishme”, ka thënë O’Brien në një postim në Twitter.
Liderët e të dy vendeve e kanë konfirmuar pjesëmarrjen në takimin e 27 qershorit.
Thaçi do të shkojë me Hotin, ndërsa nga Serbia pritet të jetë prezent së paku presidenti Vuçiq.
