Profesori Neil Ferguson ka dhënë dorëheqjen nga roli i këshilltarit të Qeverisë britanike për koronavirusin, pasi që ka pranuar se “ka bërë gjykim të gabuar”, duke i shkelur rregullat e izolimit, shkruan BBC-ja.
Profesori Ferguson, këshillat e së cilit shtynë kryeministrin e Britanisë të izolojë tërë shtetin, tha se i vjen keq që ka dëmtuar këshillat e distancimit social.
Gazeta the “Telegraph” ka raportuar se një grua për të cilën thuhet është në lidhje me profesorin, ka vizituar shtëpinë e tij gjatë izolimit.
Parashikimi që bëri profesori Ferguson për përhapjen e virusit, sugjeroi se 250.000 njerëz mund të vdisnin pa veprime drastike.
Kjo shtyri kryeministrin Boris Johnson, që më 23 mars të njoftojë vendosjen e kufizimeve gjithëpërfshirëse për të parandaluar përhapjen e COVID-19.
Nën këto masa, u kërkua nga të gjithë që te dalin sa më pak dhe nëse partnerët jetonin ndaras, u është thënë që “më së miri” të rinë në shtëpitë e tyre.
Në një deklaratë, profesori Ferguson tha: “Pranoj që kam bërë një gabim në të gjykuar dhe kam vepruar keq. Andaj kam dhënë dorëheqjen nga SAGE (Grupi Këshillues Shkencor për Emergjenca). Veprova duke besuar se jam imun, pasi qe kisha rezultuar pozitiv për koronavirus dhe kisha ndenjur në izolim dy javë pasi që më ishin shfaqur simptomat. Më vjen keq qe i nënvlerësova mesazhet e qarta për nevojën e distancimit social”.
Ai e quajti këshillën e Qeverisë për distancim social “të paanshme” dhe se ishte aty për “të na mbrojtur të gjithë”.
The Telegraph raportoi se Antonia Astaats vizitoi shtëpinë e tij në së paku dy raste gjatë izolimit.
Dorëheqja e Fergusonit ishte humbje e madhe për Qeverinë, sipas ekspertëve dhe u quajt si “shkencëtari më i rëndësishëm” gjatë kohës së shpërthimit të virusit, së bashku më këshilltarin kryesor mjekësor,. Chris Whitty dhe këshilltarin kryesor shkencor Patrick Wallace.
