Këshilltari i kryeministrit në detyrë të Kosovës, Albin Kurtit, Elvis Hoxha ka deklaruar sot se arsyeja pse kreu i AKR’së, Behgjet Pacolli do të kthehet në Kosovë, është sepse ia kanë premtuar postin e Ministrit të Jashtëm.
Hoxha ka thënë se vetë Pacolli me 5 prill kishte deklaruar se duhet të respektohen rregullat e sigurisë për shëndetin publik.
I njëjti sipas tij tri javë më vonë e thyen atë rregull pas premtimit për postin e ministrit.
“Ç’lloj demokracie është një vend ku një person i tillë mashtrues mund të marrë funksione të lartë publikë”, ka shkruar Hoxha.
Postimi i plotë:
Ish-ministri i jashtëm deklaron në 5 prill se duhen respektuar rregullat e sigurisë për shëndetin publik. Por 3 javë më vonë e thyen rregullin sepse i premtojnë postin e ministrit të jashtëm. Ç’lloj demokracie është një vend ku një person i tillë mashtrues mund të marrë funksione të lartë publikë?
